11.12.2015 / 14:24

Ці сустрэнецца Лукашэнка ў Ашхабадзе з Эрдаганам? 10

Аляксандр Лукашэнка другі дзень знаходзіцца ў Ашхабадзе. Учора ён меў сустрэчу з прэзідэнтам Туркменістана Гурбангулы Бердымухамедавым, а сёння ён наведаў мемарыяльны комплекс «Народная памяць».

Аднак пікантнасць гэтаму візіту дадае той факт, што сёння ў Туркменістан таксама прыедзе прэзідэнт Турцыі Рэджэп Таіп Эрдаган, пра гэта паведамляе ягоны афіцыйны сайт. Цалкам магчыма, што ў Ашхабадзе адбудзецца сустрэча кіраўнікоў Беларусі і Турцыі. Бо Лукашэнка будзе знаходзіцца ў Ашхабадзе да 12 снежня.

Сустрэча можа адбыцца на фоне антытурэцкай кампаніі, што праходзіць у расійскіх СМІ і на вышэйшым дзяржаўным узроўні, пасля таго, як Турцыя збіла расійскі знішчальнік Су-24 на мяжы з Сірыяй.

Расія ўвяла супраць Турцыі санкцыі. Ад 1 студзеня 2016 года ў Расіі забаронена прымаць на працу грамадзян Турцыі, таксама ўведзена эмбарга на продаж садавіны і гародніны. А пасольства Турцыі ў Маскве закідалі камянямі і фарбамі.

У такіх умовах сустрэча Лукашэнкі і Эрдагана сапраўды павінны ўспрымацца як вельмі нечаканы жэст.

Зміцер Панкавец

0
paleshuk / Адказаць
11.12.2015 / 14:27
Чарговы "удар в спину"?
0
Мордехай В. / Адказаць
11.12.2015 / 14:44
Если Беларусь готова принять у себя всех турецких инвесторов, которых попрут из России, это был бы самый правильный шаг.
0
Андрей / Адказаць
11.12.2015 / 15:06
Просто Лукашенко очень нужен российский кредит, вот он и набивает себе цену.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру