11.12.2015 / 16:54

Пуцін запрасіў Лукашэнку ў Маскву 11

14—15 снежня Аляксандр Лукашэнка па запрашэнні расійскага прэзідэнта Уладзіміра Пуціна наведае Расію з афіцыйным візітам. 

Фота: Дзмітрый Азараў/Коммерсантъ

Як паведамляе прэс-служба Крамля, 15 снежня адбудуцца расійска-беларускія перамовы. 

Як паведамляе афіцыйны сайт Крамля, «15 снежня чакаюцца перамовы Уладзіміра Пуціна і Аляксандра Лукашэнкі па шырокім спектры актуальных пытанняў расейска-беларускіх адносін і міжнароднага парадку дня».

«Асаблівую ўвагу мяркуецца надаць далейшаму паглыбленню эканамічнай інтэграцыі на еўразійскай прасторы і мерам па нарошчванню гандлёва-інвестыцыйнага супрацоўніцтва ў рамках Саюзнай дзяржавы», — сказана ў паведамленні.

Нагадаем, афіцыйны візіт Аляксандра Лукашэнкі ў Расію планаваўся на 25-26 лістапада. У Маскве 26 лістапада павінна была адбыцца сустрэча Аляксандра Лукашэнкі з Уладзімірам Пуціным у вузкім складзе, затым — перамовы ў пашыраным фармаце. Па выніках сустрэчы анансавалася падпісанне міжнародных дакументаў. Лукашэнка таксама планаваў сустрэцца з прэм'ер-міністрам РФ Дзмітрыем Мядзведзевым, старшынёй Савета Федэрацыі Федэральнага сходу Валянцінай Мацвіенка і старшынёй Дзярждумы Сяргеем Нарышкіным.

Аднак 24 лістапада было абвешчана, што візіт перанесены, як заявіў прэс-сакратар расійскага прэзідэнта Дзмітрый Пяскоў, «у сувязі з загружанасцю працоўных графікаў прэзідэнтаў Беларусі і Расіі».

Лукашэнка меў намер па традыцыі здзейсніць свой першы візіт пасля перавыбрання кіраўніком дзяржавы ў Расію, аднак 8 снежня адправіўся з візітам у В'етнам, а 10 снежня — у Туркменістан, дзе знаходзіцца ў цяперашні час.

0
лячу на крыллях любві! / Адказаць
11.12.2015 / 17:00
Ну і што, скаратал час у браццяў Вьетнама і Туркменістана.
0
культурны працэс / Адказаць
11.12.2015 / 17:04
Добрае фота. Трэніруйцеся беларускія юнкоры, і ў вас не горш атрымаецца!
0
Бурбуль / Адказаць
11.12.2015 / 17:43
Поедет расскажет чем эрдоган дышит.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру