11.12.2015 / 21:01

На Нобелеўскім банкеце Алексіевіч парушыла рэгламенты 19

Пісьменьнік і перакладчык Дзьмітры Плакс, рэжысэр і драматург радыётэатру Швэдзкага нацыянальнага радыё, пра тое, як Сьвятлана Алексіевіч парушыла этыкет і рэглямэнт Нобэлеўскай цырымоніі.

РС: Дзьмітры, што вы думаеце пра ўчорашнюю прамову Сьвятланы Алексіевіч падчас Нобэлеўскага банкету ў Стакгольме?

Дзьмітры Плакс: Сьвятлана Алексіевіч, як заўжды, вельмі адказна ставіцца да таго, што яна кажа. І яна, як заўжды, вельмі дакладна расстаўляе акцэнты. Мне здаецца, што галоўнае, як у яе Нобэлеўскай лекцыі, так і ў банкетнай прамове — гэта акцэнты.

Тут шмат чаго, на што можна зьвярнуць увагу. Пачну з таго, што яна адпрэчыла агульнапрыняты дрэс-код і прыйшла на Нобэлеўскі банкет не ў вечаровым строі, а так, як ёй было больш зручна. Я ня ведаю, ці такое калі-небудзь раней было.

Тое, што яна не зьвярнулася да караля, пачынаючы сваю прамову — гэта таксама нешта, што наўрад ці здаралася раней.

Ну і яшчэ яна парушыла рэглямэнт, прамаўляючы даўжэй, чым прапісана.

Што тычыцца зьместу, я думаю, вы самі разумееце, як там усё было прадумана.

РС: Прамовы іншых Нобэлеўскіх ляўрэатаў былі, калі можна так сказаць, лягчэйшага калібру. Яны распавядалі пра нейкія сямейныя справы, пра дзяцінства і вучобу ў школе… А банкетная прамова Сьвятланы Алексіевіч была сур’ёзнай, і па сваёй форме, і па зьмесьце. Яна гаварыла гэтую прамову так, як бы чытала Нобэлеўскую лекцыю. Ці гэта, па-вашаму, таксама было прадумана і заплянавана?

Дзьмітры Плакс: Безумоўна. Мне падаецца, што яна нічога ня робіць выпадкова, асабліва пры такіх нагодах, як цяпер. І гэта таксама, як я разумею, парушэньне рэглямэнту. Бо якраз банкетныя прамовы мусяць быць кароткімі, лёгкімі, тыпу «дзякуй каралю», «дзякуй Швэцыі», «дзякуй усім гасьцям банкету», «мне тут так прыемна», і ў дадатак нейкі анэкдот з уласнага жыцьця. Я думаю, яна плянавала нешта іншае ад самага пачатку. Яна выбрала, на мой погляд, вельмі канцэптуальны падыход. У Нобэлеўскай лекцыі яна казала пра сябе, а ў банкетнай прамове — пра ўсё астатняе, што для яе важнае.

РС: Па-вашаму, Сьвятлана Алексіевіч прывезла гэтую банкетную прамову зь Менску ці пісала яе ўжо недзе там на месцы, у Стакгольме?

Дзьмітры Плакс: Я ў гэтым не арыентуюся вельмі моцна. Я ведаю, што тэкст Нобэлеўскай лекцыі трэба было напісаць у Менску, бо канчатковы тэрмін быў 21 лістапада ці нешта такое. Наконт банкетнай прамовы я дакладна ня ведаю, але, ведаючы Сьвятлану, я магу сабе ўявіць, што яна, можа быць, напісала яе яшчэ ў Менску, але я амаль упэўнены, што яна перапісвала яе і дарабляла да апошняга моманту. Бо яна так працуе — шліфуе свае тэксты да самага апошняга моманту.

0
Малыш / Адказаць
11.12.2015 / 21:11
Карлсан, калі ласка, разрулі ўсе гэтыя пытанні!
0
гаспадар літоўскі. / Адказаць
11.12.2015 / 22:33
Першы блінец комам. На другі раз Алексіевіч абавязкова занатуе.
0
Українець / Адказаць
12.12.2015 / 00:21
1. Интересно, была бы такая истерика вокруг Алексиевич, если бы она получила не Нобелевскую премию, а какую-либо иную!? 2. Интересно, сколько из тех, кто так восторгается Алексиевич, прочитало хоть что-то её авторства!? 3. Интересно, сколько людей не прибегая к помощи Интернета в состоянии вспомнить прошлогоднего лауреата этой премии (я уже не говорю о более ранних)!? 4. Интересно, что практически все, комментирующие это литературное международное событие, обсуждают исключительно политику вокруг него, а не литературные достоинства произведений и их влияние на общество, тем более международное. 5. Интересно, что беларуское общество уже взяло и ещё сможет взять у Светланы Алексиевич для своего гражданского развития? 6. Интересно, почему ещё месяц тому назад. практически все сегодня "пиитствующие" понятия не имели о Светлане Алексиевич и массовое прозрение беларусов состоялось только после формального решения какой-то иностранной премии иностранными гражданами!? 7. Интересно, сколько просуществует этот скоропалительный культ (бум) Светланы Алексиевич в самой Беларуси? 8. Интересно, почему по этому поводу нет такого восторга у украинцев (хотя у Светланы - мать украинка и она сама родилась в Украине) и у русских (культуру которых она прославляет намного мощнее многих самих русских)!? 9. Интересно,( для меня лично), почему Светлана Алексиевич не отказалась от этой премии?
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру