11.12.2015 / 23:53

У Беларусі затрыманы расіянін, які падазраецца ў датычнасці да Ісламскай дзяржавы 2

У Брэсце затрыманы грамадзянін Расіі, абвешчаны на радзіме ў вышук па падазрэнні ва ўдзеле ў баях на баку так званай Ісламскай дзяржавы. Пра гэта на тэлеканале АНТ паведаміў начальнік прэс-службы КДБ Зміцер Пабяржын.

28-гадовы ўраджэнец Чачні пакінуў радзіму яшчэ ў 2003 годзе. Як падазраюць праваахоўнікі, ён прайшоў спецыялізаваную падрыхтоўку ў адным з лагераў Ісламскай дзяржавы і быў актыўным удзельнікам гэтай тэрарыстычнай арганізацыі.

Яго выявілі і затрымалі ў Брэсце. На відэазапісы байцы атрада міліцыі асаблівага прызначэння выводзяць яго з кватэры.

У тэлефоне затрыманага выяўленыя відэазапісы адпаведнага зместу. Цяпер вывучаецца таксама яго электронная пошта на прадмет утрымання экстрэмізму.

Затрыманы будзе перададзены расійскім праваахоўнікам.

0
Cliche committee / Адказаць
11.12.2015 / 23:58
сашку пахан у крэмль пазваў,сашка не з пустымі рукамі едзе. )
0
Карфаген трэба разбурыць / Адказаць
12.12.2015 / 08:23
i што? Паушчуваюць ды i адпусцяць. Свае ж
Каб пакінуць каментар, калі ласка, актывуйце JavaScript у наладах свайго браўзеру