Учора Аляксандр Лукашэнка паляцеў у Расію з першым афіцыйным візітам.
Вось відэа яго сустрэчы ў маскоўскім аэрапорце.
Як паведамляе яго прэс-служба, ён «правядзе сёння перамовы з прэзідэнтам Расіі Уладзімірам Пуціным у вузкім і пашыраным складах. Чакаецца, што ў цэнтры ўвагі будзе знаходзіцца шырокі спектр пытанняў двухбаковых адносін і міжнароднага парадку дня, узаемадзеяння ў інтэграцыйных аб'яднаннях. Па выніках запланавана падпісанне міжнародных дакументаў».
Сёння ж у Мінск з трыумфам вяртаецца нобелеўская лаўрэатка Святлана Алексіевіч.
Яна вернецца самалётам са Стакгольма, што прызямліцца ў мінскім аэрапорце ў 16:35 (рэйс B2_856, меркавана сектар 3-4).
Раней у сацыяльных сетках узнік нават спецыяльны рух, каб годна сустрэць у аэрапорце нобелеўскую лаўрэатку. Праўда, яе сяброўка Юлія Чарняўская папярэджвае ў сваім фэйсбуку:
«Дарагія сябры, якія збіраюцца сустракаць Святлану Алексіевіч у аэрапорце. Велізарная просьба. Яна будзе вельмі рада сустрэчы і вельмі кранутая вашай ініцыятывай. Але ў Швецыі (там холадна і вецер) яна прыхварэла, моцна прастудзіла шчаку, і цяпер шчака баліць. Таму Святлана просіць не кідацца яе абдымаць і цалаваць з усім запалам любові і падзякі, і трымаць мікрафоны далей ад яе твару (не сакрэт, што многія іх проста соваюць ў рот інтэрв'юяванаму). Яна будзе вельмі ўдзячная за разуменне».
У Швецыі Святлану Алексіевіч вітаў сам кароль, хто з беларускіх чыноўнікаў возьме на сябе смеласць прывітаць яе ў Мінску, фота Reuters.
