31.03.2008 / 10:51

Нацболы напалі на Сядзібу БНФ 7

У ноч на нядзелю невядомыя напалі на ўправу Партыі БНФ, якая месьціцца на праспэкце Машэрава,8. На выходных нікога ў Сядзібе не было, таму пашкоджаньні ўбачылі толькі ў панядзелак раніцай.


У ноч на нядзелю невядомыя напалі на Ўправу Партыі БНФ, якая месьціцца на праспэкце Машэрава,8. На выходных нікога ў Сядзібе не было, таму пашкоджаньні ўбачылі толькі ў панядзелак раніцай.

На галоўным уваходзе чорнай фарбай напісана НБП (нацыянал-бальшавіцкая партыя - НН), а таксама намаляваны сымбаль арганізацыі – серп і молат. Яшчэ разьбітыя два вакны. Па ўсім бачна, што кідалі нейкімі кавалкамі асфальту. Найхутчэй, што гэты асфальт прывезьлі з сабой, бо побач з управай і так хапае камянёў. Не пашанцавала і офісу, які разьмяшчаецца побач з Управай, там таксама пабілі шкло ў вокнах. Мабыць, палічылі, што і там месьціцца Ўправа БНФ.

Мінакі зь зьдзіўленьнем пазіралі на спаскуджаны вандаламі будынак. Адзін са сталых наведвальнікаў Сядзібы са скрухай у голасе сказаў: «Бач ты, Сталіна яны вырашылі вярнуць».

Гэта ўжо ня першы напад нацыянал-бальшавікоў на офіс Партыі БНФ. Сакратаркі Сядзібы кажуць, што нешта падобнае было і гэтым летам, а яшчэ раней у 2005 годзе. Напярэдадні Дня Волі невядомыя зламалі дзяржакі, дзе замацоўваліся бел-чырвона-белы і эўрасаюзаўскі сьцягі.

Міліцыянты, якія прыбылі на выклік дзяжурнай Управы, толькі запыталіся, ці ёсьць тут фарба, каб замазаць бальшавіцкую сымболіку на дзьвярах.

bnf_080331_3 (67K)
bnf_080331_4 (56K)

Зьміцер Панкавец

0
Tolik / Адказаць
31.03.2008 / 13:22
Usio naturalna: lukaszysckaja naumauszczyna zwierchu, NBP -- znizu. Heta zwiony adnaho lancuha. Winawatuch winawatyja szukac nia buduc -- hruhan hruhanu waczej nia wypje.
0
AndrMiel / Адказаць
31.03.2008 / 14:49
Сядзіба ў апошнія гады стала добрым, а дзесь і містычным месцам сустрэч не толькі БНФ, але і іншых шматлікіх "нашых". Сапраўды, месца паяднання і паразумення. Дык мо ёсць сэнс прысутнасць бел-чырвона-белых на сядзібе павялічыць па часе? Каб і па выходных хтось быў і вартаўнік. У нас жа досыць людзей і з жыллёвымі складанасцямі ў Менску і з пачуццём адказнасці. Ці я не маю рацыі?
0
Волгiн / Адказаць
31.03.2008 / 15:18
Наўрад цi нацболы. Ня iхнi стыль. Прынамсi ў Расеi нацболы ня шкодзяць наўмысна чужую маёмасьць. Могуць зрабiць надпiсы, але ня бiць вокны. Больш верагодна, што кадэбэшная (цi кагосьцi падобнага) правакацыя.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру