15.12.2015 / 20:09

Кібермахляры блакавалі камп'ютары і патрабавалі з карыстальнікаў штраф ад імя МУС за прагляд порна 7

Супрацоўнікамі аддзела па раскрыцці злачынстваў у сферы высокіх тэхналогій УУС Віцебскага аблвыканкама выяўленая міжгародняя група, якая займалася распаўсюджваннем шкоднага праграмнага забеспячэння. Арганізатарамі махлярскай кіберсеткі аказаліся двое маладых жыхароў Віцебскай вобласці і грамадзянін Расіі.

Як паведамляе УУС Віцебскага аблвыканкама, ідэйным натхняльнікам і галоўным у злачыннай групе быў былы студэнт, які атрымліваў у свой час адну з IT-спецыяльнасцей. Давучыцца да канца не захацеў і кінуў ВНУ.

Разам з хаўруснікамі ён распрацаваў прыбытковую крымінальную схему. На самых розных сайтах яны размяшчалі рэкламу, пры націсканні на якую карыстальнік інтэрнэту, які нічога не падазраваў, трапляў у кіберлавушку. Шкодная праграма блакіравала браўзер ахвяры, а ў дыялогавым акне з'яўлялася паведамленне нібыта ад імя МУС аб накладанні штрафу за прагляд парнаграфічных матэрыялаў. Грошы за штраф ахвяры падману павінны былі перавесці на ўказаны ў паведамленні абаненцкі нумар.

Толькі за месяц ахвярамі махляроў сталі больш як 200 чалавек з усёй Беларусі.

Арганізатар злачыннага бізнесу затрыманы.

Міліцыянеры працягваюць працу па выяўленні ахвяраў махляроў. Усім грамадзянам, якія пацярпелі ад дзеянняў злачыннай групы, рэкамендуецца паведаміць пра гэта.

0
bhagawan / Адказаць
15.12.2015 / 21:12
bačyŭ ja hetuju rekłamu, tolki jana linuksovuju Oper'u nie błakavala :) tym nie menš pieraličyŭ im (na mabilny numar life ) ažno 5 rublioŭ :D - chaj padaviacca!
0
Крэйдэр / Адказаць
15.12.2015 / 21:20
Ну, напэўна, высокі міліцэйскі начальнік сам апынуўся заблакаваным.
0
P.S.KOLTSOV / Адказаць
15.12.2015 / 22:19
Давно их повязали? Просто на днях встречался с их творением.Ну как дети.Просто перезагружаешь ноут,а Опера при запуске открывает начальную страницу.Запустил,CClener.Возможно на их творении ни почём не кликать.Было желание позвонить на указанный ими телефон (лайф).А симка то хоть на бомжа зарегистрирована или "умные",храбрые(нужное определение выбрать).Да,Опера не заблокировала это всплывающее окошко.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру