Цела немаўляці знайшлі ў адным са смеццевых бакаў у Рэчыцы, паведаміў намеснік начальніка АУС Рэчыцкага райвыканкама Андрэй Сёмкаў.
Паведамленне аб тым, што ў адным са смеццевых кантэйнераў, размешчаных на тэрыторыі СШ №9, знойдзены труп немаўляці, у дзяжурную частку Рэчыцкага РАУС паступіла 16 снежня ў 12.35. На месца адразу ж выехала следча-аператыўная група. Цяпер праводзіцца праверка з мэтай выяўлення ўсіх абставін здарэння.
«Экспэртыза пакажа, ці з'яўляўся малы мёртванароджаным, ці сканаў ужо пасля родаў», — сказаў Андрэй Сёмкаў.
Міліцыя просіць грамадзян, якія могуць мець якую-небудзь інфармацыю, паведаміць у Рэчыцкі РАУС па тэлефонах: 102, 2-18-84, (029) 624-13-89, (029) 694-68-50. Канфідэнцыяльнасць гарантуецца.
0
0
0
0
0
0