19.12.2015 / 12:22

Аварыя на Ленінградскай АЭС у Расіі: трэснула труба з радыеактыўнай парай  30

Аварыя на другім энергаблоку Ленінградскай АЭС адбылася 18 снежня а 13.50. У турбіннай зале трэснула труба з парай. Яна запоўніла памяшканне і выйшла за межы электрастанцыі. Відавочцы выклалі ў інтэрнэт фатаграфіі воблака над Сасновым Борам. Супрацоўнікаў ЛАЭС адпусцілі дадому. Другі энергаблок спынілі ўручную. Як лічаць спецыялісты, выкід быў радыеактыўным, бо ў так званы контур астуджэння рэактара паступае адпрацаваная пара. Усходні вецер панёс воблака ў бок Эстоніі і Фінляндыі.

Цяпер на Ленінградскай атамнай электрастанцыі працуюць тры энергаблокі.

Дырэктар Ленінградскай АЭС Уладзімір Перыгуда сцвярджае, што абстаноўка ў раёне станцыі спакойная.

Як паведамляюць у прэс-службе ЛАЭС, радыяцыйная і дазіметрычная абстаноўка ў наваколлі станцыі застаецца ў норме.

Кіраўнік адміністрацыі горада Сасновы Бор Уладзімір Садоўскі ў відэазвароце, заклікаў насельніцтва не паддавацца паніцы.

Ленінградская АЭС размешчана за 80 кіламетраў ад Пецярбурга, на беразе Фінскага заліва. Яна лічыцца адной з найбуйнейшых вытворцаў электраэнергіі на паўночным захадзе Расіі.

0
Малака воз / Адказаць
19.12.2015 / 12:27
Бедныя фины :'(
0
Мікіта / Адказаць
19.12.2015 / 12:39
Чаму бы ААН не прыняць якую-небудзь рэзалюцыю, якая дакладна рэгламентуе выплаты за забруджванне тэрыторый замежных дзяржаў
0
Анатоль / Адказаць
19.12.2015 / 12:47
Ну, что можно тут сказать? Это Россия. Её существование - это уже катастрофа.
Паказаць усе каментары/ 30 /
Каб пакінуць каментар, калі ласка, актывуйце JavaScript у наладах свайго браўзеру