23.12.2015 / 12:28

Суд прыпыніў разгляд справы аб абароне гонару і годнасці Люцыі Лушчык 11

Суд Цэнтральнага раёна Мінска прыпыніў разгляд справы аб абароне гонару, годнасці і дзелавой рэпутацыі жонкі бізнэсоўца Андрэя Герашчанкі, тэлевядучай Люцыі Лушчык. Прычына — сустрэчны пазоў Ілоны Герашчанка, былой жонкі бізнэсмена.

Бізнэсовец Андрэй Герашчанка з адвакаткай.

23 снежня ў суд прыйшлі бізнэсовец Андрэй Герашчанка з адвакаткай Яўгеніяй Патапавай і Ганна Дакуцька, адвакатка былой жонкі Герашчанкі Ілоны. Самой тэлевядучай у зале суда не было, паведамляе Tut.by.

Хадайніцтва адваката Люцыі Лушчык — разглядаць справу ў закрытым рэжыме — суд адхіліў.

У працэсе высветлілася, што 22 снежня ў суд Цэнтральнага раёна Мінска быў пададзены сустрэчны пазоў з боку былой жонкі бізнэсоўца Ілоны Герашчанка. Ён таксама аб абароне гонару, годнасці і дзелавой рэпутацыі. Як патлумачыла яе адвакат Ганна Дакуцька, пазоў пададзены ў сувязі з інфармацыяй, якая была распаўсюджаная ў прысутнасці дзіцяці, — дачкі Ілоны і Андрэя Герашчанкі.

У рамках заявы Ілона Герашчанка патрабуе кампенсацыі маральнай шкоды. Суму павінен вызначыць суд. У выпадку станоўчага рашэння па справе, як заўважыла адвакат, грошы накіруюць на дабрачыннасць.

Нагадаем, на пачатку снежня ў сацсетках разышлося неадназначнае відэа з удзелам бізнэсмэна Андрэя Герашчанкі, яго былой жонкі Ілоны Герашчанка і цяперашняй — Люцыі Лушчык. Як стала вядома, былыя муж і жонка не могуць падзяліць 8-гадовую дачку. У дадзены момант па рашэнні суда дзяўчынка жыве з бацькам.

Сёння суд меў разглядаць пазоў тэлевядучай Люцыі Лушчык. Яе прэтэнзіі выклікаў артыкул у інтэрнэце пад назвай «Тэлевядучая Люся Лушчык апынулася ў цэнтры непрыгожага сямейнага скандалу». Тэлевядучая лічыць, што апублікаваная інфармацыя закранае яе добрае імя, дзелавыя і прафесійныя якасці.

Лушчык сцвярджае, што не ўдзельнічае ў грамадзянска-прававай спрэчцы з нагоды ўдзелу бацькоў у выхаванні дачкі і ніколі не прымала дзеянняў, накіраваных на абмежаванне дзіцяці ў зносінах са сваёй маці.

Хочаш падзяліцца важнай інфармацыяй ананімна і канфідэнцыйна?

0
волк / Адказаць
23.12.2015 / 12:51
поздно Люся пить баржоми, честь можно защищать, когда эта честь не потеряна безвозвратно.
0
Саука ды Грышка / Адказаць
23.12.2015 / 13:53
...нет предметов и объектов защиты, отсутствуют полностью !...
0
юрась / Адказаць
23.12.2015 / 15:38
/и это телеведущая? Больше похожа на бабу скандалистку
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру