26.12.2015 / 15:23

У Расіі скончыў жыццё самагубствам падлетак, зацкаваны за падтрымку Украіны 98

У горадзе Жыгулёўск Самарскай вобласці скончыў жыццё самагубствам 18-гадовы Улад Калеснікаў. Імя юнака стала шырока вядома ў чэрвені 2015 года, калі ён прыйшоў на заняткі ў футболцы з украінскім сцягам і надпісам «Вярнуць Крым!», а таксама вывесіў у Падольску, дзе ён вучыўся, антываенны лозунг.

Пасля гэтага інцыдэнту Улад быў адлічаны з тэхнікума. Ім зацікавіліся спецслужбы: паліцыянты прыходзілі і пыталіся, адкуль ён узяў футболку. Дзед, прыхільнік Пуціна, адправіў яго да бацькі, у Жыгулёўск.

У ваенкамаце ён уключыў запісаны гімн Украіны і адмовіўся ісці ў войска.

Гісторыя Улада Калеснікава стала шырока вядомая, пра яго пісалі і расейскія, і заходнія СМІ. Ён вёў папулярны блог і ўдзельнічаў у шэрагу апазіцыйных груп у «фэйсбуку». Аднак у Жыгулёўску Улад не знайшоў супольнай мовы са сваякамі і скардзіўся на цкаванне з боку аднагодкаў:

«Адносіны з людзьмі проста жах — ужо абяцалі пабіць, кідалі ў мяне бруд і снежкі, пастаянныя абразы і штурханне локцямі ў калідорах. Нават адзін даў у твар (нямоцна, на шчасце). Мне нельга звяртацца ў паліцыю (тыя яшчэ ўлетку далі зразумець, што дапамагаць мне не будуць і, працытую, «сам бы табе ў морду даў за такія рэчы…» У Жыгулёўску тут са мной наогул што заўгодна могуць зрабіць. Адчайна шукаю, куды можна з'ехаць», — пісаў ён у лістападзе карэспандэнту Радыё Свабода.

25 снежня Улад Калеснікаў прыняў смяротную дозу лекаў. Паліцыя паведаміла, што выратаваць яго не ўдалося.

0
туш / Адказаць
26.12.2015 / 15:30
Духовные скрепы православного народа
0
Ніка / Адказаць
26.12.2015 / 15:32
Ужасная новость! Так не должно было случиться!
0
вахмурка / Адказаць
26.12.2015 / 15:33
Трэба было ехаць у свабодную Украину з гэтага расийскага лайна. Бандэрауцы бы не дали прапасць.
Паказаць усе каментары/ 98 /
Каб пакінуць каментар, калі ласка, актывуйце JavaScript у наладах свайго браўзеру