02.04.2008 / 11:11

Цана на газ будзе нязьменнай да канца году 2

Пра гэта паведаміў сёньня журналістам пасол Расеі ў Беларусі Аляксандар Сурыкаў.

Цана на расейскі газ для Беларусі да канца 2008 году павялічвацца ня будзе. Пра гэта паведаміў сёньня журналістам пасол Расеі ў Беларусі Аляксандар Сурыкаў.

Паводле ягоных слоў, двухбаковымі дамоўленасьцямі прадугледжана, што цана на газ на працягу году можа быць павялічана толькі адзін раз і гэты рост не павінен перавышаць 7 %.

Нагадаем, што ў першым квартале гэтага году Беларусь купляла ў Расеі газ па цане $119 за тысячу кубамэтраў, з 1 красавіка цана павышана да $128.

З Расеі даляталі галасы аб неабходнасьці падняць цану вышэй за 200 даляраў за кубамэтар, а беларускае кіраўніцтва ў апошні месяц зрабіла некалькі выразна антыамэрыканскіх і антыэўрапейскіх крокаў.

МБ; інф. БЕЛТА

0
klv / Адказаць
02.04.2008 / 13:04
Калі мой пёсік добра выконвае каманды " Голас", " Фас", " Служыць", я таксама даю яму кавалачак цукру.
0
Scooter / Адказаць
02.04.2008 / 14:14
"З Расеі даляталі галасы аб неабходнасьці падняць цану вышэй за 200 даляраў за кубамэтар" -- не за кубамэтар, а за 1000 кубоў. А ўвогуле, хто-небуць бачыў гэтую дамову на ўласныя вочы? Бо нешта яны пярэчаць адзін аднаму і кожны квартал мы даведваемся пра новыя "акалічнасьці". То яны кажуць пра "штоквартальную" зьмену цаны, то ўжо пра тое, што "цана на газ на працягу году можа быць павялічана толькі адзін раз і гэты рост не павінен перавышаць 7 %." І калі 128$ - гэта 68% ад "польскай" цаны(як нібыта прадугледжана кантрактам на 2008г), тады атрымліваецца, што Польшча сяголята купляе газ па 188.235$ ??? Але ня раз казалі, што Польшча купляе яго недзе ў раёне 300$/1000кубоў, а то і больш! Ня веру, што "транспартныя расходы" могуць складаць амаль палову цаны! Карацей нешта яны там муцяць невядома што... Відавочна, што з такімі непразрыстымі схемамі нехта вельмі добра наварваецца...
Каб пакінуць каментар, калі ласка, актывуйце JavaScript у наладах свайго браўзеру