02.04.2008 / 16:34

Белсат можа закрыцца ўжо ў верасьні 35

Калі фінансаванне тэлеканала з польскага бюджэту будзе скарочанае, кажа кіраўнічка каналу Агнешка Рамашэўская.


Агнешка Рамашэўская

Пра гэта паведаміла кіраўнічка тэлеканала Агнешка Рамашэўская ў інтэрв’ю польскаму выданню «Dziennik».

Дырэкцыя «Белсату» падлічыла, што на падрыхтоўку трох гадзін эфіру ў дзень неабходна 27 млн злотых на год. На сёння польскае МЗС гатовае выдаткаваць толькі 18 млн.

‑ Тры гадзіны ў суткі — гэта абсалютны мінімум. У дзвюх гадзінах змесціцца толькі адзін мастацкі кінафільм. А трансляцыя толькі фільмаў без іншых перадач не мае сэнсу, — кажа кіраўнічка «Белсату» Агнешка Рамашэўская.

Калі МЗС не зменіць рашэнне, то тэлеканал у верасні прыйдзецца закрываць, адзначыла Рамашэўская.

Нагадаем, што 17 сакавіка польскае МЗС прыняло рашэнне пра скарачэнне бюджэту тэлеканала «Белсат». У паведамленні МЗС Польшчы гаворыцца, што яно вылучае сёлета «Белсату» 18 мільёнаў злотых (8 мільёнаў долараў) замест 21 мільёна злотых — і гэта канчатковая сума.

Радыё Рацыя

0
калега / Адказаць
02.04.2008 / 16:40
А што калі зьменшыць заробкі работнікаў да сярэднебеларускага ўзроўню і найменш рэйтынгавыя праграмы, спадарыня Агнешка? Калі БелСат не пяройдзе на Сырыюс, то яго аўдыторыя застанецца на ўзроўні пагрэшнасьці.
0
юрась / Адказаць
02.04.2008 / 16:51
Мне здаецца, што зараз папросту iдзе эканамiчная гульня. Ня больш за тое.
0
Aleś Jurkaviec / Адказаць
02.04.2008 / 16:52
Я не разумею ў такім выпадку толькі аднаго - нашто ўвогуле было ад самага пачатку агарод гарадзіць? Навошта польскі ўрад выкінуў мільёны злотых, каб канал адчыніць, а пасля яго, не пратрымаўшы і году, зачыніць? Ці няма тут элемэнтаў фінансавай афэры?
Паказаць усе каментары/ 35 /
Каб пакінуць каментар, калі ласка, актывуйце JavaScript у наладах свайго браўзеру