30.12.2015 / 14:15

Лукашэнка: Павярнуць краіну ў іншы бок? Гэтага не будзе 29

president.gov.by

На рэформах сёння настойваюць тыя, каму патрэбныя развал, мітусня, бязладзіца. Пра гэта заявіў сёння журналістам Аляксандр Лукашэнка.

«Тады можна і да ўлады прыйсці, тады можна павярнуць краіну ў іншы бок. Гэтага не будзе. Краіна будзе ісці ў тым кірунку, у якім лічаць патрэбным, каб яна ішла, беларускія людзі», — сказаў Аляксандр Лукашэнка.

У якасці прыкладу правільнага рэфармавання, мадэрнізацыі кіраўнік дзяржавы прывёў ахову здароўя. Наведваючы сёння радзільны дом 5-й гарадской клінічнай бальніцы Мінска, абсталяваны самым сучасным абсталяваннем, ён звярнуў увагу, што гэта паказчык таго, як дзяржава клапоціцца пра будучыню краіны.

Аляксандр Лукашэнка падкрэсліў, што ў Беларусі заўсёды былі добрыя дактары і дастойныя ўстановы аховы здароўя, а да гэтага часу ўдалося вырашыць праблему з іх абсталяваннем. Укладанні ў медыцыну далі пазітыўныя вынікі — узровень дзіцячай смяротнасці ў Беларусі за 10 гадоў знізіўся ў 2,5 разу і па выніках гэтага года склаў 3 праміле, за бягучую пяцігодку зарэгістраваны адзін выпадак смерці парадзіхі па акушэрскіх прычынах.

«Вось і ўся рэформа, так будзем рэфармавацца, мадэрнізавацца па ўсіх напрамках», — падкрэсліў ён.

Ён дадаў, што дзяржава і далей будзе падстаўляць плячо, знаходзіць любыя рэсурсы для тых, хто мае патрэбу. Беларусы могуць заўсёды разлічваць на падтрымку ў гэтым плане, рэзюмаваў Аляксандр Лукашэнка.

0
Мордехай В. / Адказаць
30.12.2015 / 14:26
-Как, в пропасть? - В пропасть. - В пропасть!? - В пропасть, в пропасть... - Урра! В пропасть! Вперед, товарищи!
0
Сьнежань 30 / Адказаць
30.12.2015 / 14:34
Кансэрватар "савецкага" ладу. Праблемка толькі ў тым, што любая (у тым ліку і лЮбая) кансэрва ўрэшце згніе...
0
mikola ramanau / Адказаць
30.12.2015 / 14:42
Мордехай В., ....Jak by zbiraeca 100 god prazyc?..
Паказаць усе каментары/ 29 /
Каб пакінуць каментар, калі ласка, актывуйце JavaScript у наладах свайго браўзеру