Увечары 1 красавiка ў дзяжурную частку Першамайскага РУУС сталiцы пазванiў адзiн з жыхароў дому № 80 па праспэкце Незалежнасьцi
. Ён паведамiў, што нейкiя невядомыя хлопец i дзяўчына спрабуюць залезьцi на дах iх 9‑павярховiка.
Калi прыбыў нарад аддзела «Ахова», парачка была ўжо на даху. Вiдавочна, хлопец заўважыў нарад, i калi мiлiцыянэры блякавалi пад’езд, ён выскачыў зь дзвярэй з крыкам «Назад, буду страляць!» i кiнуўся ўцякаць. У руцэ яго быў пiсталет.
Уцекача затрымалi. У яго канфiскавалi пiсталет замежнай вытворчасьцi з глушыцелем i адным патронам у патроньнiку. Пры допыце затрыманы, iм аказаўся 27‑гадовы магiляўчанiн, патлумачыў, што ў Менску ён каля тыдня i жыве ў знаёмых. Пiсталет знайшоў i нават некалькi разоў страляў зь яго па смецьцевых баках у раёне плошчы Перамогi…
