03.01.2016 / 22:42

Мінск прапануе дапамагчы ўрэгуляваць расійска-турэцкі канфлікт 30

А Лукашэнка гутарыў на гэты конт і з Пуціным, і з Эрдаганам.

Беларусь гатовая прыкласці максімум намаганняў для ўрэгулявання расійска-турэцкага канфлікту, таксама як гэта робіцца і па Украіне. Пра гэта заявіў у эфіры беларускага тэлебачання (тэлеканала «Беларусь 1») міністр замежных спраў рэспублікі Уладзімір Макей.

president.gov.by

«Мы зацікаўлены ў тым, каб гэты канфлікт быў урэгуляваны як мага хутчэй», — сказаў ён. Паводле яго слоў, разам з тым, Мінск «не збіраецца навязваць пасрэдніцкія паслугі».

«Але мы зыходзім з таго, што ціск адзін на аднаго, санкцыі ў дачыненні да адзін аднаго — гэта не метад вырашэння праблем у міждзяржаўных адносінах. Мы гэта адчулі на сабе», - адзначыў міністр. Пры гэтым выказаў упэўненасць у тым, што канфлікт паміж Расіяй і Турцыяй рана ці позна ўдасца вырашыць.

Паводле яго слоў, прэзідэнт Беларусі Аляксандр Лукашэнка меў размову з лідарамі Расіі і Турцыі, «выказваючы свой пункт гледжання».

«Але мы не можам прымусіць тыя ці іншыя бакі дзейнічаць так, як нам хацелася б», — адзначыў міністр.

Паводле яго слоў беларускі бок, мае права выказваць свой пункт гледжання. «А ўжо справа астатніх суб'ектаў, прыняць гэты пункт гледжання або не прыняць», — сказаў Уладзімір Макей.

0
Мордехай В. / Адказаць
03.01.2016 / 23:01
Калi пабачу ў Стамбуле лапцi ды матрошкi, буду ведаць каму дзякаваць.
0
адно слова / Адказаць
03.01.2016 / 23:02
Смех!
0
Так / Адказаць
03.01.2016 / 23:03
Не ўсе ж Нобелі ўсякім Алексіевіч атрымліваць. Рогоравіч, хоць што, на нобелеўскую міру замахваецца. І атрымае, пачакайце крыху.
Паказаць усе каментары/ 30 /
Каб пакінуць каментар, калі ласка, актывуйце JavaScript у наладах свайго браўзеру