БелТА
Пра гэта БелТА паведаміў прэс-сакратар Мінскага гарадскога ўпраўлення МНС Віталь Дэмбоўскі.
«У адпаведнасці з планам прадугледжана рэагаванне не толькі падраздзяленняў МНС, але і ўсіх гарадскіх аварыйных і камунальных службаў», — растлумачыў ён.
З-за неспрыяльнай абстаноўкі МНС рэкамендуе грамадзянам, асабліва асобам сталага веку, без асаблівай неабходнасці не выходзіць на вуліцу.
«Насельніцтву ні ў якім разе нельга карыстацца няспраўным кацельным абсталяваннем. Тое ж самае тычыцца электраабагравальнікаў. Тым больш зусім не варта ўключаць самаробныя абагравальнікі. У прыватных дамах трэба яшчэ раз праверыць, ці спраўныя печы. Усе непаладкі і расколіны трэба неадкладна ліквідаваць», — падкрэслілі ў МНС.
Аўтаўладальнікам рэкамендуецца адмовіцца ад паездак (у асаблівасці далёкіх), а аўтамабілі паркаваць такім чынам, каб яны не перашкаджалі працы снегаўборачнай тэхнікі.
Як паведамлялася, магутны цыклон прыйдзе ў Беларусь 12 студзеня, абвешчана штармавое папярэджанне і аранжавы ўзровень небяспекі. Цыклон будзе праходзіць з паўднёвага захаду Еўропы праз цэнтральныя рэгіёны Беларусі на паўночны ўсход Расіі і прынясе працяглыя ападкі (снег, мокры снег, на поўдні з дажджом), завіруха, наліпанне мокрага снегу, па ўсходзе чакаецца вецер з парывамі да 18 м/с.
