Reuters.com

На 69-м годзе памёр брытанскі акцёр Алан Рыкман, піша ў чацвер, 14 студзеня, газета The Guardian.

Смерць акцёра пацвердзілі яго сваякі. Ён памёр ад раку.

Алан Рыкман — вядомы акцёр, адна з яго роляў — прафесар Северус Снэг у «Гары Потэры».

Рыкман нарадзіўся ў 1946 годзе ў Лондане, а першая роля ў кіно адбылася ў яго ў далёкім 1978 годзе. Ён з'яўляецца лаўрэатам прэстыжнай прэміі «Залаты глобус», якую атрымаў у 1997 годзе за тэлефільм «Распуцін», у 2011 годзе яго таксама адзначылі кубкам MTV за ролю ў Патэрыяне. Гледачы ведаюць Рыкмана па ролях у фільмах «Моцны арэшак», «Догма» і «Каханне насамрэч». У Злучаным Каралеўстве Рыкман добра вядомы як тэатральны акцёр, сябра Каралеўскай шэкспіраўскай кампаніі.

У 2012 г. Алан Рыкман разам з іншымі вядомымі акцёрамі (у тым ліку з Рэйвам Файнсам) на просьбу Свабоднага тэатра заступіўся ў відэазвароце за беларускіх палітвязняў.

Хочаш падзяліцца важнай інфармацыяй ананімна і канфідэнцыйна?