Нягледзячы на крызіс у еўрапейскай эканоміцы і праблемы Кітая, якія аказалі ўплыў на глабальныя рынкі, нямецкая эканоміка, паводле папярэдніх дадзеных, паказала рэкордны рост у 2015 годзе.

Як абвясціла ў чацвер федэральнае бюро статыстыкі краіны, рост эканомікі Германіі за 2015 год складзе 1,7%. Гэта рэкордны паказчык за чатыры гады. Па словах экспертаў, паказчык забяспечыў рост попыту на спажывецкія тавары ўнутры краіны.

Павелічэнне сярэдняй зарплаты і рост пакупніцкай здольнасці насельніцтва кампенсавалі памяншэнне даходаў ад гандлю, якая раней была традыцыйнай крыніцай росту нямецкай эканомікі.

«Нямецкая эканоміка стабільна расце дзякуючы высокаму спажывецкаму попыту ўнутры краіны», — сказаў у гутарцы з агенцтвам Рэйтэр адзін з аналітыкаў «Беренберг Банка».

Па словах чыноўнікаў з бюро статыстыкі, рост ВУП краіны ў чацвёртым квартале, грунтуючыся на гадавых паказчыках, складзе 0,25%. Апытаныя Рэйтэр эканамісты чакаюць больш сціплага росту ў 1,6%.

Рост нямецкай эканомікі адбываецца на фоне не самай спрыяльнай сітуацыі ў эканоміцы Еўразоны. Летась кіраўнік Міжнароднага валютнага фонду Крысцін Лагард папярэдзіла аб магчымасці новай рэцэсіі ў Еўропе.

Хочаш падзяліцца важнай інфармацыяй ананімна і канфідэнцыйна?