16.01.2016 / 14:38

З гатэля ў Буркіна-Фасо вызваленыя больш за 100 закладнікаў 5

У сталіцы Буркіна-Фасо Уагадугу завяршылася спецаперацыя па вызваленні закладнікаў з захопленага ісламістамі гатэля Splendid, у якім часта селяцца прадстаўнікі заходніх краін.

126 чалавек вызваленыя. Прынамсі 22 чалавекі загінулі. Дадзеных аб нацыянальнай прыналежнасці загінулых і пацярпелых пакуль няма.

Як паведамляюць у міністэрстве бяспекі заходнеафрыканскай краіны, трое баевікоў забітыя.

«Сярод іх адзін араб і двое афрыканцаў», - цытуе Рэйтэр міністра бяспекі Сімона Кампаарэ.

У штурме гатэля ў сталіцы ўдзельнічалі вайскоўцы Буркіна-Фасо пры падтрымцы французскіх спецслужбаў.

Паступае неправераная інфармацыя аб тым, што баевікі маглі напасці на гатэль, які знаходзіцца непадалёк.

Прэзідэнт Францыі Франсуа Алянд назваў «агідным» напад на гатэль у былой французскай калоніі.

Адказнасць за напад ўзяла на сябе звязаная з «Аль-Каідай» групоўка «Аль-Каіда ў краінах ісламскага Магрыба».

4-зоркавы гатэль Splendid, у якім жывуць супрацоўнікі ААН і спыняюцца турысты з заходніх краін, напалі позна ўвечары ў пятніцу.

Па словах відавочцаў, спачатку побач падарваліся два аўтамабілі, затым група ўзброеных людзей у масках атакавала будынак і захапіла яго, нягледзячы на ўзброены супраціў аховы.

Нападнікі таксама ўварваліся ў папулярнае сярод замежнікаў кафэ Cappuccino, і, як сказаў адзін з афіцыянтаў, застрэлілі там некалькі чалавек.

0
Нати / Адказаць
16.01.2016 / 12:14
Несчастный африканский континент. Так давно смотрела "Кровавый алмаз",но до сих пор вспоминается кадры из этого фильма,когда читаешь вот такие новости.
0
nn / Адказаць
16.01.2016 / 14:55
гэта путлер усе
0
Мордехай В. / Адказаць
16.01.2016 / 14:59
Паглядзiце beast of no nation
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру