17.01.2016 / 11:18

Брэсцкія даішнікі выратавалі хлопца, які поўзаў у полі «пад кайфам» 6

Фото: livejournal.com via euroradio.fm/

Супрацоўнікі Брэсцкай абласной ДАІ выратавалі 22-гадовага хлопца, які пад уздзеянням невядомых хімічных рэчываў пайшоў у поле і стаў поўзаць па зямлі падчас моцнага снегападу. Інспектары праязджалі па дарозе Р-83 Брэст — Камянец позна ўвечары 15 студзеня. Прыкладна ў 22.00 каля вёскі Чарнаўчыцы Брэсцкага раёна яны заўважылі пешахода, які рухаўся па краю праезнай часткі і праз некалькі секунд раптоўна знік.

Даішнікі вырашылі дапамагчы чалавеку, напаіць яго гарбатай і адвезці дадому, бо якраз ішоў моцны снег. Але пешахода ўжо не было каля дарогі: ён пайшоў у поле і стаў поўзаць па зямлі на карачках. Гэта быў малады чалавек у стане прастрацыі. Ён сказаў супрацоўнікам ДАІ, што яму 22 гады, ён жыве ў Чарнаўчыцах і заблукаў.

Небараку павезлі дадому, але па дарозе ён стаў засынаць і не рэагаваў на словы праваахоўнікаў. Тады інспектары выклікалі хуткую і перадалі хлопца медыкам. Яго шпіталізавалі з дыягназам «вострае хімічнае атручэнне». Невядома, аднак, якія рэчывы прымусілі яго да такіх неадэкватных паводзінаў.

0
Дзед Талаш / Адказаць
17.01.2016 / 12:50
БТ паглядзеў.
0
Няхлюй / Адказаць
17.01.2016 / 13:29
Маглі б і прыстраліць, каб ня мучыўся.
0
Мой афарызм / Адказаць
17.01.2016 / 17:29
Мы ўсе поўзаем пад беларускімі кайфхлусамі.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру