17.01.2016 / 12:43

Алекс Фергюсан выказаў жаданне вярнуцца ў «Манчэстар Юнайтэд» 1

Сэр Алекс Фергюсан выказаў намер вярнуцца ў англійскі футбольны клуб «Манчэстэр Юнайтэд» у якасці трэнера-кансультанта, калі каманду ўзначаліць Раян Гігз. Пра гэта паведамляе Mirror.

AP

У цяперашні час Гігз з'яўляецца памочнікам Луі ван Гала, чыя праца выклікае нараканні з боку кіраўніцтва клуба і заўзятараў. Паводле інфармацыі выдання, вырашальным для галандскага спецыяліста будзе сённяшні матч чэмпіянату Англіі з «Ліверпулем». У выпадку няўдачы ван Гал будзе звольнены.

Па выніках 21 матча манкуніянцы маюць у актыве 34 ачкі і займаюць шостае месца ў турнірнай табліцы, адстаючы ад«Лестара» (22 гульні), што лідзіруе ў прэм'ер-лізе, на 10 балаў.

74-гадовы Фергюсан узначальваў «Манчэстар Юнайтэд» з 1986 па 2013. Па заканчэнні сезона-2012/13 шатландзец завяршыў трэнерскую кар'еру, выйграўшы з клубам 13-ы тытул чэмпіёна Англіі. Акрамя таго, на рахунку спецыяліста дзве перамогі ў Лізе чэмпіёнаў.

42-гадовы Гігз завяршыў кар'еру гульца ў 2014-м, за 24 гады правёўшы ў асноўным складзе «чырвоных д'яблаў» 672 матчы.

0
К / Адказаць
17.01.2016 / 22:17
Урааа)
Каб пакінуць каментар, калі ласка, актывуйце JavaScript у наладах свайго браўзеру