07.04.2008 / 15:12

Сакратар Цэнтравыбаркаму лічыць канструктыўнымі прапановы АДС 5

Сакратар Цэнтральнай камісіі па выбарах і правядзенні рэспубліканскіх рэферэндумаў Беларусі Мікалай Лазавік лічыць канструктыўнымі прапановы аб\'яднаных дэмакратычных сіл (АДС) па ўдасканаленні выбарчага працэсу. Пра гэта ён заявіў 7 красавіка ў інтэрв'ю БелаПАН.

Нагадаем, 31 сакавіка АДС прэзентавалі шэсць праектаў пастаноў Цэнтрвыбаркама па ўдасканаленні выбарчага працэсу. Дакументы закранаюць наступныя пытанні выбарчага заканадаўства: працэс фарміравання выбарчых камісій; вылучэнне назіральнікаў і іх правы; працэдура падліку галасоў; правядзенне публічнай агітацыйнай кампаніі, а таксама агітацыі ў СМІ; канкрэтызацыя заканадаўства, якое тычыцца дзейнасці членаў выбарчай камісіі. На прэс-канферэнцыі ў Мінску намеснік старшыні руху "За Свабоду" Віктар Карняенка заявіў, што "АДС даюць уладам шанц правесці выбары, вынікі якіх былі б прызнаны міжнароднай супольнасцю".

М. Лазавік паведаміў, што праекты пастаноў паступілі ў Цэнтрвыбаркам у канцы мінулага тыдня. "Беглае знаёмства з імі дазваляе зрабіць выснову, што асноўная частка прапаноў канструктыўная", — падкрэсліў ён.

Сакратар Цэнтрвыбаркама паведаміў, што вывучэннем праектаў дакументаў займаецца юрыдычны аддзел Цэнтральнай камісіі. У прыватнасці, ім будуць зроблены высновы аб адпаведнасці палажэнняў праектаў выбарчаму заканадаўству, Канстытуцыі Беларусі.

М.Лазавік зазначыў, што падчас працы па прыняцці пастаноў Цэнтрвыбаркам "будзе ўважліва разглядаць і прапановы АДС".

Хочаш падзяліцца важнай інфармацыяй ананімна і канфідэнцыйна?

Сяргей Каралевіч, БелаПАН

0
Брат Казюліна / Адказаць
07.04.2008 / 23:05
Ніхто камэнтаваць ня хоча... )))
0
Крывіч / Адказаць
07.04.2008 / 23:42
А тут няма чаго каментаваць, і так ўсё зразумела, улада займаецца заманьваньнем у сілкі, а праўладная апазыцыя робіць чалавечы твар да звярыннай дыктатуры. Ўсё як заўсёды, купіце нас, мы танныя, просяцца ліберасты!
0
Левы нацыяналіст / Адказаць
08.04.2008 / 18:32
Урыўкі: "Милостливый государь! Позвольте нам, чтобы люди узнавали нас в лицо не только по репортажам БТ, иметь в парламенте (так и хочется написать на этой выдуманной мове "парлямэнце") своих людей (хотя бы фракцию какую). И немножко в не имеющих полномочий Советах. Ну покритикуем, что недостаточно демократии. Вместе мы сила. За национальное единство. Нам - места. Нас будет любить народ. А вы сможете ездить в Европу и Америку. Как в 1996 году во Францию, помните. Нам власть, поймите, не нужна. Достаточно грантов. Милостливый Государь. Придерживайтесь договорённостей. Мы-то их исполняем всё время. Бьём челом и надеемся на конструктивный ответ."
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру