07.04.2008 / 15:49

Міхаіла Пашкевіча выключаюць з БДУ 7

Моладзевага актывіста АГП адлічаюць з гістарычнага факультэту БДУ. Цэлы тыдзень хлопец ня можа атрымаць дазволу абараніць курсавую работу. А сёньня паведамілі, што найбліжэйшымі днямі яго адлічаць.


Моладзевага актывіста АГП адлічаюць з гістарычнага факультэту БДУ. Цэлы тыдзень хлопец ня можа атрымаць дазволу абараніць курсавую работу. А сёньня паведамілі, што найбліжэйшымі днямі яго адлічаць.

«Справа ў тым, што яшчэ летам мяне выключылі з ВНУ за ўдзел у выбарах у Менскі гарадзкі савет, за тое самае з гістфаку адлічылі і сябру Партыі БНФ Андруся Ігнатовіча. Я змог узнавіцца на завочным аддзяленьні, на 6-м курсе. Цяпер мне адмаўляюцца залічыць іспыт па мэтадалёгіі гісторыі, які я здаў. Аднак потым высьветлілася, што здаў я не свайму выкладчыку, і іспыт анулявалі. Не мая праблема, што ВНУ ня можа разабрацца з сваімі ўнутранымі пытаньнямі. Мне ў дэканаце адкрыта сказалі, што рашэньне аб маім выключэньні прымалася нават не на ўзроўні рэктара, а нашмат вышэй», — кажа М.Пашкевіч.

Фактычна, для атрыманьня дыплёму Пашкевічу заставалася толькі абараніць курсавую, а таксама здаць дзяржаўныя іспыты. Але, мабыць, такой магчымасьці ўжо не надарыцца. Як лічыць хлопец, выключэньне зьвязанае з крымінальнай справай за мітынг прадпрымальнікаў 10 студзеня, удзеле ў сьвяткаваньні Дня Волі, а таксама тым, што ён стаў адным з заяўнікаў сёлетняга «Чарнобыльскага шляху».

Міхаіл кажа, што праблем з вучобай у яго ніколі не ўзьнікала да той пары, пакуль ён не пачаў браць актыўны ўдзел у палітычным жыцьці.

«Проста так саступаць я не зьбіраюся. Буду змагацца за свае правы. Зьбіраюся заўтра пракансультавацца зь юрыстам АГП Сяргеем Альферам, пасьля чаго ўжо выпрацую канчатковы плян дзеяньня. Ведаю толькі, што зьяжджаць на навучаньне ў Польшчу ня буду. Чарговы раз узнаўляцца ў БДУ таксама ня мае сэнсу, калі цяпер да канца вучобы застаецца некалькі крокаў. Трэба змагацца за сваё цяпер», — падсумоўвае М.Пашкевіч.

Зьміцер Панкавец

Хочаш падзяліцца важнай інфармацыяй ананімна і канфідэнцыйна?

0
bL8dy_R8ts / Адказаць
07.04.2008 / 16:12
Калі чалавеку сапраўды патрэбна вучоба, калі ён трымаецца за свой ВНУ і разумее, што без адукацыі тут у беларусі рабіць няма чаго, такі чалавек не нарываецца і не займаецца усялякай ерундой. Мітынгаваў ён, бач, з прадпрымальнікамі. Што, прадпрымальнік ці што? Сьмешна. Сам сабе хлопец панапрывозіў праблемаў. Спачатку адвучыся, атрымай дыплём а потым - давай! Ці ён не ведаў, не здагадваўся што так можа кончыцца??
0
Theodore / Адказаць
07.04.2008 / 16:38
згодны. усе ведаюць наступствы, але лезуць і лезуць... гэта не геройства
0
ОМОН / Адказаць
07.04.2008 / 17:25
Што вы нясеце!!?? Каб не такія як Міхась, мы б жылі як на Кубе, ці Паўночнай Карэі!!! Вялікі дзякуй такім людзям!! Лепш падтрымалі б...
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру