07.04.2008 / 17:27

Пуцін: Украіна — гэта нават не дзяржава 42

Калі гаворка пайшла пра Ўкраіну, Пуцін выбухнуў. Зьвяртаючыся да Буша, ён сказаў: «Ты ж разумееш, Джордж, што Ўкраіна — гэта нават не дзяржава! Што такое Ўкраіна? Частка яе тэрыторый — гэта Ўсходняя Эўропа, а частка, і значная, падараваная намі!».

Крыніца газэты КоммерсантЪ у дэлегацыі адной з краінаў НАТО паведаміла, што прэзыдэнт Расеі Ўладзімер Пуцін падчас закрытага паседжаньня Расея‑НАТО выказаў сумнеў адносна легітымнасьці дзяржавы пад назовам Украіна.

Пуцін намякнуў, што ў выпадку ўступленьня ў альянс Украіна можа перапыніць існаваньне як адзіная дзяржава.

Пуцін паведаміў, што Масква ўспрымае набліжэньне НАТО да расейскіх межаў як рэальную пагрозу інтарэсам дзяржавы і паабяцаў зрабіць адэкватныя захады. Прэзыдэнт Расеі намякнуў, што калі НАТО выдасьць плян дзеяньняў па ўваходжаньні ў сябры НАТО Грузіі, то Расея прызнае Абхазію і Паўднёвую Асецію, абапіраючыся на косаўскі прэцэдэнт, і гэтак створыць буфэрную зону паміж сіламі НАТО і сваімі межамі.

«Зрэшты, пра Грузію расейскі прэзыдэнт гаварыў цалкам спакойна і нібыта між іншага. Калі гаворка пайшла пра Ўкраіну, Пуцін выбухнуў. Зьвяртаючыся да Буша, ён сказаў: «Ты ж разумееш, Джордж, што Ўкраіна — гэта нават не дзяржава! Што такое Ўкраіна? Частка яе тэрыторый — гэта Ўсходняя Эўропа, а частка, і значная, падараваная намі!» — заявіла крыніца.

І тут Пуцін заўважыў, што калі Ўкраіну і прымуць усё ж такі ў НАТО, гэтая дзяржава проста спыніць сваё існаваньне. То бок, фактычна, ён прыстрашыў, што Расея можа пачаць адасабленьне Крыму і Ўсходняй Украіны», — дадала крыніца газэты.

Як паведамлялася, перад журналістамі Пуцін назваў пашырэньне НАТО, што ўсё яшчэ працягваецца, праявай старой лёгікі, якая ў сучасных варунках стала неактуальнай.

Нагадаем, віцэ‑сьпікер Дзярждумы Ўладзімер Жырыноўскі, камэнтуючы магчымае ўступленьне Ўкраіны ў НАТО, заявіў, што калі б ён быў прэзыдэнтам, то зрабіў бы самыя жорсткія прэвэнтыўныя захады і дамогся бы расколу Ўкраіны.

3 красавіка на саміце ў Бухарэсьце сябры НАТО перанесьлі прыняцьце канчатковага рашэньня пра далучэньне Ўкраіны да Пляну дзеяньняў па ўваходжаньні ў сябры арганізацыі на сьнежань 2008 году. Разам з тым, у рэзалюцыі саміту НАТО гаворыцца, што Альянс гарантуе прыём Украіны ў склад НАТО.

Паводле korrespondent.net

Хочаш падзяліцца важнай інфармацыяй ананімна і канфідэнцыйна?

0
Віталь з Менску / Адказаць
07.04.2008 / 18:01
Абламаюць зубы маскалі аб Украіну.
0
нямчук / Адказаць
07.04.2008 / 18:29
Кожная такая заява ад прадстаўникоў імперыі зла набліжае Украіну да НАТА і дадае дзясяткі тысяч галасоў Ю.Цімашэнка. У гэбья пачалася істэрыка
0
Беларус / Адказаць
07.04.2008 / 18:55
Украінцы, прынамсі нацыяналісты, ужо гатовыя рэагаваць! КУН прапануе патрабаваць ад Расеі павяртаньня этнічных украінскіх земляў. ВА "Свабода" - разарваць дыпляматычныя адносіны і абвясьціць расейкага прэзыдэнта пэрсонай нон-грата ў Украіне. Ва ўсялякім разе, усе дзякуюць Пуціну за падобную шчырасьць! Расея яшчэ раз паказала, што яна ёсьць! Але цікава: Што адказаў на гэта амэрыканскі прэзыдэнт?
Паказаць усе каментары/ 42 /
Каб пакінуць каментар, калі ласка, актывуйце JavaScript у наладах свайго браўзеру