21.01.2016 / 14:35

Польская чыгунка канчаткова адмаўляецца ад цягнікоў у Гродна ў 2016 годзе 7

Фота gazeta.pl

У сёлетнім раскладзе руху польскай чыгункі, які будзе дзейнічаць да сярэдзіны снежня, ужо дакладна не з’явяцца цягнікі Варшава — Гродна. Новае кіраўніцтва Міністэрства Інфраструктуры і Будаўніцтва вырашыла не пераглядаць рашэння сваіх папярэднікаў пра адмену спалучэння.

У снежні міністэрства паведамляла, што будзе разглядаць магчымасці вярнуць памежны рух на чыгунцы. Для гэтага трэба было знайсці дадатковыя грошы. Адным з аргументаў было вялікае значэнне цягніка на адрэзку Гродна-Кузніца, у тым ліку для беларускіх палякаў.

Аднак у сярэдзіне студзеня стала вядома, што ў 2016 годзе польская электрычка на гродзенскі вакзал так і не прыедзе. «Рашэнне міністра ў гэтай справе не змянілася», - пацвердзіла профільнаму выданню «Rynek kolejowy» прэс-сакратар міністэрства Эльжбета Кісіл. Фінансаваць стратны цягнік не хоча і маршалак Падляшскага ваяводства. Пры гэтым немэтазгоднымі лічацца абодва прапанаваныя варыянты: кароткі з Гродна да Кузніцы і Беластока, і доўгі з Гродна да Варшавы.

Прадстаўнічка міністэрства тлумачыць, што ранейшыя цягнікі з Гродна ў Элк і Малкіню былі сталай крыніцай дэфіцыту ў бюджэце чыгункі і не карысталіся папулярнасцю. Паводле інфармацыі фірмы Przewozy Regionalne, у 2014 годзе з кожнага з цягнікоў у Гродна скарысталася ў сярэднім 70 пасажыраў.

Іншая прычына адмены – высокая канкурэнцыя з боку аўтобусных перавозчыкаў. Ды і запланаваных на 2016 датацый не хапіла б на год спраўнай працы цягніка.

Праўда, польскае міністэрства не выключае, што ў сёлетнім раскладзе, магчыма, яшчэ адбудуцца нейкія змены датычна міжнародных цягнікоў. «Яны маглі б быць звязаныя з непрадбачанымі прычынамі або мадэрнізацыяй інфраструктуры, што трывае», — загадкава кажа Эльжбета Кісіл.

Хочаш падзяліцца важнай інфармацыяй ананімна і канфідэнцыйна?

0
што-та не так / Адказаць
21.01.2016 / 14:57
найгоршая навіна. Горадня паступова ператваоаецца ў задуп'е ля мяжы з Літвой і Польшчай. як гэта магчыма?
0
БГ / Адказаць
21.01.2016 / 15:39
Калi не лiчыць бусы гто ходзяць што паугадзiны
0
студэнт / Адказаць
21.01.2016 / 17:03
залатыя часы цігарэтнай кантрабанды прайшлі ?
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру