23.01.2016 / 12:29

ВІДЭА рытуальнага танца маары на вяселлі сабрала 29 млн праглядаў за тыдзень 37

Хітом інтэрнэту на мінулым тыдні стала відэа баявога танца новазеландскіх маары, які вядомы пад назвай хака. Ролік быў зняты на вясельнай цырымоніі Бэнджаміна і Аалійі Армстронг ў Новай Зеландыі.

Рытуальны танец маары, падчас якога выканаўцы тупаюць нагамі, крывяць грымасы, б'юць сябе па клубах і ў грудзі і выкрыкваюць, быў прысвечаны маладым і арганізаваны адным з прыяцеляў жаніха.

Ролік танца быў апублікаваны ў Facebook і за няпоўны тыдзень сабраў 29 мільёнаў праглядаў.

У нашыя дні хака выконваецца часцей за ўсё на спаборніцтвах па рэгбі ў Новай Зеландыі, але таксама на вяселлях і пахаваннях.

На вяселлі Бенджаміна і Аалійі Армстронг хака выконвалася як знак павагі да нявесты і жаніха.

У інтэрв'ю Бі-бі-сі нявеста патлумачыла, што баявы танец выканалі члены сям'і жаніха, што не адразу можна зразумець праз светлую скуру Бэнджаміна. «Бэн яшчэ большы маары за мяне», — сказала нявеста. І дадала, што многія, хто паглядзеў відэа на Facebook і не знаёмы з традыцыяй, падумаў, што гэта мужчыны з яе сям'і спрабуюць ў танцы напалохаць жаніха: паказваюць, як яны пакараюць яго ў выпадку, калі той пакрыўдзіць сваю жонку.

Незвычайныя эмоцыі можна назіраць на тварах жаніха і нявесты, якія ўрэшце таксама далучаюцца да танца.

«Я адчуваў неабходнасць паказаць у адказ тую ж любоў і павагу, якую яны паказалі мне», — сказаў жаніх.

Жанчыны ў культуры маары, як правіла, не далучаюцца да танца хака, але — як кажа Армстронг — гэта дазволена, у прыватнасці, на вяселлях.

0
Юрась Беларус / Адказаць
23.01.2016 / 12:39
Цікава гэта тым, што псіхічныя хваробы і разладжанні, у дадзеным выпадку фанатызм, насамрэч хутка распаўсюджваюцца ў калектыве.
0
Ірэна / Адказаць
23.01.2016 / 12:49
Зусім не ўразіла... было б на што глядзець...
0
mikola ramanau / Адказаць
23.01.2016 / 12:59
Nastaiasczye Idyioty...!
Паказаць усе каментары/ 37 /
Каб пакінуць каментар, калі ласка, актывуйце JavaScript у наладах свайго браўзеру