23.01.2016 / 15:59

У Брэсце п'яны кіроўца двойчы за вечар трапіў у ДТЗ і ўцёк 1

Дзяржаўтаінспекцыі Брэсцкай вобласці распавяла пра выпадак, які адбыўся на мінулым тыдні, назваўшы яго — «начны экшн» з удзелам п'янага кіроўцы.

20 студзеня, каля 20:00, 32-гадовы жыхар Брэста, выязджаючы вечарам са двара на вуліцы Валгаградскай на аўтамабілі «Фальксваген Шаран», не саступіў дарогу «аўдзі». Кіроўца пашкоджанай машыны «аўдзі» паведаміў вінаватаму ДТЗ, што выкліча супрацоўнікаў ДАІ. Але вінаватага інспектары на месцы ўжо не засталі. 

Потым аказалася, што ў тую ж ноч на вул. Цэнтральнай ён здзейсніў яшчэ адно ДТЗ: падчас манеўру яго аўтамабіль зачапіў дзяўчыну, якая ішла з сяброўкай па краю дарогі. Ад удару яна ўпала, але, на шчасце, абышлося без траўмаў (парвала толькі калготкі). Кіроўца не спыніўся, каб аказаць ёй дапамогу і паехаў далей.

Неўзабаве вінаватага затрымалі.

Высветлілася, што ён знаходзіўся ў стане алкагольнага ап'янення (3,6 праміле). Больш за тое — ён не меў права кіравання транспартным сродкам і яго неаднаразова затрымлівалі п'яным за рулём. У дачыненні да мужчыны складзены 8 адміністрацыйных матэрыялаў.

0
Лявон / Адказаць
23.01.2016 / 22:28
Няужо такі і далей будзе паскудзіць на шляхах...? Можа усе жыцце няхай езьдзіць на РОВАРЫ? Калі не паважае другіх,законы... А можа гэта сынок чыноуніка,,, адкупіцца..? Дзед-беларус кажа: ТАКОЕ МОЖНА БАЧЫЦЬ У БЕЛАРУСІ! Сорамна і крыудна за....
Каб пакінуць каментар, калі ласка, актывуйце JavaScript у наладах свайго браўзеру