23.01.2016 / 22:25

Джасцін Трудо заступіўся за бізнэс і асадзіў Дзі Капрыа  7

Барацьба супраць змянення клімату ў выкананні амерыканскага кінаакцёра Леанарда Дзі Капрыа прыводзіць да масавых звальненняў на нафтагазавых прадпрыемствах па ўсім свеце.

Пра гэта заявіў прэм'ер-міністр Канады Трудо, які заклікаў Дзі Капрыа змякчыць яго «рыторыку» ў пытаннях экалогіі.

Дзі Капрыа распавёў падчас свайго выступу ў рамках Сусветнага эканамічнага форуму ў швейцарскім Давосе ў сераду, што карпаратыўная прагнасць вядзе да змянення клімату і заклікаў бізнесменаў суняцца.

У той жа дзень падчас вячэры, 44-гадовы Трудо асадзіў 41-гадовага акцёра.

«Я сказаў, што і Альберта [штат, які з'яўляецца найбуйнейшым нафтавым цэнтрам], і Канада летась атрымалі новыя ўрады, матываваныя на прадухіленне змяненняў клімату… і што ёсць сем'і, якія церпяць праз страту працы, якія цяпер маюць патрэбу ў падтрымцы, і рыторыка падбухторвання не абавязкова дапаможа бяздольным сем'ям», — перадаў Трудо дэталі сваёй гутаркі з Дзі Капрыа.

0
В. / Адказаць
24.01.2016 / 01:05
ня штат, а правінцыя
0
Жустэн / Адказаць
24.01.2016 / 01:17
Імя нашага прэмьера вымаўляецца Джасьцін Трюдо. Хопіць выдумляць.
0
Ягор / Адказаць
24.01.2016 / 08:06
Гэта рыторыка мне нагадвае усходняе: "Абама пазбавiу сочынскiх пенсiянерау iльготау на праезд i насiкау у лiфце". То бок канадскiя капiталiсты звальняюць нафтавiкоу не таму, што цана на нафту закацiлася пад плiнтус, а таму, што Дзi Капрыа падбухторвае. :)))
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру