Праз снегапады ў Японіі загінулі пяць чалавек і звыш за 200 атрымалі раненні, паведамляюць інфармагенцтвы.
Няшчасныя выпадкі, у якіх людзі гінулі або атрымлівалі траўмы, былі зарэгістраваныя ў палове рэгіёнаў краіны. Як правіла, грамадзяне пакутавалі ад удараў і расцяжэнняў падчас падзенняў.
З-за непагадзі ў Японіі адмененыя сотні авіярэйсаў, без святла знаходзяцца тысячы жылых дамоў.
Паводле паведамленняў нацыянальнай метэаслужбы, на японскім востраве Асіма 24 студзеня ўпершыню за 115 гадоў выпаў снег. Апошні раз падобная прыродная анамалія назіралася 12 лютага 1901 года. Разам з тым у Токіо снежных ападкаў не выпадала — тут стаіць марознае, але яснае надвор'е.
Нечаканае пахаладанне таксама прыйшло і ў іншыя азіяцкія краіны. Так, у Рэспубліцы Карэя другія суткі запар адмяняюцца авіярэйсы на востраве Чэджу, дзе размешчаны папулярныя курорты. Востраў замяло наймагутным за апошнія дзесяцігоддзі снегападам. Тысячы турыстаў не могуць пакінуць востраў і заблакаваныя ў мясцовым аэрапорце. Упала і тэмпература ў Ганконгу. Паводле апошніх дадзеных, тут адзначаецца ўсяго толькі тры градусы цяпла — для вострава гэта самая нізкая тэмпература за апошнія 60 гадоў.
Сур'ёзныя пахаладання назіраюцца і ў Кітаі.
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары