Калі бачу руйнаваньне розных халабудаў у Беларусі, дык згадваю разбурэньне Гатычнага кварталу ў Барсэлёне. Размовы пра нейкую там адметнасьць беларускага барбарства ў адносінах да архітэктурнай спадчыны амаль заўсёды лжывыя.
 Каталёнія, Барсэлёна, Гатычны квартал, 2001 год. |
Адам Глёбус у сваім блогу бароніць перабудову старога Менску.
"Калі бачу руйнаваньне розных халабудаў у Беларусі, дык згадваю разбурэньне Гатычнага кварталу ў Барсэлёне, - піша ён. - Размовы пра нейкую там адметнасьць беларускага барбарства ў адносінах да архітэктурнай спадчыны амаль заўсёды ілжывыя. І я не зьдзіўлюся, калі надыдзе час зьнесьці «хрушчобы» ды «мікрагі», як некалі зносіліся баракі, а нехта пачне іх бараніць і апяваць".
Водгукім на той запіс прыйшлі розныя.
Таксама пагаджуся што беларускае барбарсва такое ж звычайнае як і дзе заўгодна ў Эўропе, — адказвае b0rmann, —аж нямала выключэньняў. У Чэхіі, напрыклад, ня толькі зруйнаваць, але і зрэканструяваць штосьці, што мае нейкую гістарычную альбо культурную каштоўнасьць — амаль немагчыма, вельмі цяжка. Ведаю на уласнай скуры як уласьнік помніка архітэктуры… Трэці рок рамантую — кожны крок трэба узгадняць і зацьвержаць.
Я апяваць стандартнае масавае будаунiцтва ня буду… — піша chareuski. —Але тое, што ў Беларусi адсотак старасьвецкае архiтэктуры найменшы, чым дзе ў Эўропе — факт. I вартае увагi сучаснае архiеэктуры — мiзэр! I калi гавораць, што Менск стане прыгажэйшым, калi зьнясем апошнiя 30 дасавецкiх будынкау — не даю веры. Нямiга, напрыклад, становiцца ўсё пачварней i пачварней… А якi адсотак у Барсэлёне застауся старасьвецкiх дамоу? Хiба ты там адно па навабудоўлях шпацыруеш?
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары