26.01.2016 / 16:03

Тарыфы на асвятленне пад'ездаў вызначылі ў Мінску 2

Тарыф на электраэнергію ў месцах агульнага карыстання жылых дамоў і сілавую энергію, якая выдаткоўваецца на рух ліфтаў, складзе 1 188 рублёў за 1 кВт.гадз. Пра гэта паведаміла намеснік генеральнага дырэктара па эканоміцы дзяржаўнага аб'яднання «Мінская гарадская жыллёвая гаспадарка» Юлія Сагайдак.

Паводле аналізу спажытай у месцах агульнага карыстання электраэнергіі, у сярэднім на 1 кв.м кватэры выходзіць 200 рублёў у месяц. Але на гэтай паслузе можна зэканоміць, напрыклад, замяніўшы звычайныя лямпачкі ў пад'ездах на зберагальныя або ўсталяваўшы датчыкі, якія рэагуюць на рух і будуць уключаць электраэнергію ў прысутнасці людзей і выключаць, калі на пляцоўцы або ў пад'ездзе нікога не будзе.

Выдаткі на сілавую энергію, якая траціцца на рух ліфта, у сярэднім у месяц складалі 6 800 рублёў на кожнага зарэгістраванага ў кватэры. Тарыф на тэхабслугоўванне ліфта, па якім мінчане будуць плаціць незалежна ад тэрміну эксплуатацыі і зносу пад'ёмніка, складзе 617 рублёў на квадратны метр агульнай плошчы жылога памяшкання.

Па словах Юліі Сагайдак, новыя тарыфы на паслугі па санітарным утрыманні дапаможных памяшканняў у шматпавярховых дамах Мінска стануць вядомыя да канца гэтага тыдня.

0
ales' / Адказаць
26.01.2016 / 20:23
тады няхай лукашысты у ліфтах усталююць электра лічыльнікі каб было бачна колькі электрычнасці было скарыстана ! а ўсё гэта сярэдняе - дурылава !
0
Лявон / Адказаць
28.01.2016 / 00:30
А,як яны лічылі...? Ці не лічылі а..? Дзед беларус кажа: Пасада-гэта лепш для чыноуніка, чым сумленне! ВОСЬ ТАКАЯ У БЕЛАРУСІ УЛАДА! Няужо не так чыноунікі...? Дык калі ласка працуйце так, для народа і краіны а не у першую чаргу для сябе і сьваім...
Каб пакінуць каментар, калі ласка, актывуйце JavaScript у наладах свайго браўзеру