27.01.2016 / 20:04

Мінюст прыпыніў рэгістрацыю партыі «Беларуская хрысціянская дэмакратыя» 3

Міністэрства юстыцыі прыпыніла дзяржаўную рэгістрацыю партыі «Беларуская хрысціянская дэмакратыя». Пра гэта гаворыцца ў лісце з Міністэрства юстыцыі, які атрымала кіраўніцтва аргкамітэта па стварэнні партыі.

У адпаведнасці з заканадаўствам Міністэрства юстыцыі павінна прыняць рашэнне аб рэгістрацыі ці адмове ў рэгістрацыі на працягу месяца. У той жа час у міністэрства ёсць магчымасць прыпыніць рэгістрацыю для вывучэння дадатковых дакументаў.

«Відавочна, што рэжыму, які чакае адмены візавых абмежаванняў для дзяржаўных чыноўнікаў, трэба пацягнуць час, падвесіць сітуацыю з рэгістрацыяй БХД, — гаворыцца ў паведамленні прэс-службы арганізацыі. — Рашэнне адкладзенае да лютага, калі ЕС плануе вырашыць пытанне аб санкцыях у дачыненні да прадстаўнікоў улады ў Беларусі».

Аргкамітэт БХД лічыць, што ў Мінюста няма законных прычын, каб адкладаць або прыпыняць рэгістрацыю партыі.

Устаноўчы з'езд партыі прайшоў 12 снежня ў Мінску, дакументы ў Мінюст на рэгістрацыю былі перададзеныя 24 снежня.

Аргкамітэту БХД раней было адмоўлена ў рэгістрацыі партыі пяць разоў. Першы ўстаноўчы з'езд партыі прайшоў у 2009 годзе, у 2010-м — яшчэ два. Чацвёртая спроба рэгістрацыі партыі была зробленая ў снежні 2011-га, а пяты ўстаноўчы з'езд адбыўся 13 чэрвеня 2015 года. Сярод прычын апошняй нерэгістрацыі Мінюст называў адмову двух заснавальнікаў партыі ад сваіх подпісаў, а таксама дробныя недакладнасці, якія, на думку прадстаўнікоў БХД, не могуць ставіць пад сумнеў рэгістрацыю палітычнай партыі.

Адзначым, што хрысціянскія дэмакраты Беларусі не аднойчы спрабавалі зарэгістравацца таксама ў якасці розных рэгіянальных і рэспубліканскіх грамадскіх аб'яднанняў.

Раней хрысціянскія дэмакраты заяўлялі пра намер падаць заяўку на ўключэнне ў Кнігу рэкордаў Гінеса па колькасці адмоў у рэгістрацыі.

У сакавіку 2011 года ў інтэрв'ю The Washington Post Аляксандр Лукашэнка заявіў, што БХД, «верагодна, ніколі не будзе зарэгістраваная». «Яны ўдзельнічалі ў беспарадках. Яны не хрысціянскія дэмакраты, яны бандыты», — сказаў ён.

0
Driver / Адказаць
27.01.2016 / 20:25
Хрысцiяне - паслядоунiкi Iiсуса Хрыста. Iiсус Хрыстос - увасабленне Бога у чалавечам целе дзеля выканання Божай волi. Падпарадкаванне Божай волi - ТЭАКТАТЫЯ. Сапрауднае хрысцiянства па сваей сутнасцi - тэакратычнае. Дзе тут дэмактарыя???
0
Хрысьціянскі дэмакрат / Адказаць
27.01.2016 / 21:56
Вы, можа, сьпярша навучыцеся пісаць: тэакТатыя, дэмаКТАРыя... а пра хрысьціянскую дэмакратыю ў Ангелы Мэркель пацікаўцеся пры выпадку. Біблія не ўсталёўвае як ідэальную аніякую ўладную мадэль, апроч Валадарства Нябёснага. Але на зямлі задача хрысьціянскай дэмакратыі ня ў пабудове раю (на зямлі гэта немагчыма), а ў тым, каб не дапусьціць тут пекла.
0
Driver / Адказаць
27.01.2016 / 22:21
Хрысьціянскі дэмакрат, пацікавтцца пра што, пра створанае імі пекла мігрантаў? Ці пра дэмакратыю "галубцоў", ці пра ювенальную юстыцыю, пра вычварэнскі "гуманізм"? Дарэчы, вы можа перш навучыцеся думаць, напрыклад аб тым, што бываюць памылкі друку, а потым рабіце заўвагі, дэмакратычней трэба ставіцца да людзей.
Каб пакінуць каментар, калі ласка, актывуйце JavaScript у наладах свайго браўзеру