09.04.2008 / 16:15

Палажанку хочуць выключыць са школы 11

Актывістцы «Маладога фронту» Насьце Палажанцы сёньня прапанавалі напісаць заяву аб выключэньні са школы па ўласным жаданьні.


Актывістцы «Маладога фронту» Насьце Палажанцы сёньня прапанавалі напісаць заяву аб выключэньні са школы па ўласным жаданьні.

«Учора бацьку патэлефанавалі з адміністрацыі школы, запыталіся чаму я не на занятках. Фактычна, адразу пачалі казаць: ведаем, што яна ў Полацку на судзе. Маўляў, і да якой пары гэта будзе працягвацца. Сёньня ж бацьку выклікалі на размову да дырэктара. Падчас якой мне і прапанавалі напісаць заяву аб добраахвотным сыходзе з установы», — кажа Наста Палажанка.

Дзяўчына навучаецца ў 11-й клясе школы №37. У мінулым траўні Наста была прызнаная вінаватай у крымінальным артыкуле за ўдзел у незарэгістраванай арганізацыі. Яе неаднаразова затрымлівалі міліцыянты.

«Мінулыя тыдні ў школу прыходзілі «кадэбісты», якія знаёмілі дырэктара з маёй дзейнасьцю. Здаецца, што на дырэктара проста націснулі, каб ён выключыў мяне са школы. Урэшце, мы прыйшлі да згоды, што ніхто мяне не чапае да наступнага правапарушэньня», — гаворыць Н.Палажанка.

Зьміцер Панкавец

0
pan Brudas / Адказаць
09.04.2008 / 18:35
Пра заяву "па ўласным жаданьні" ўспомнілася сьмешнае... Злапаў на прыканцы існаваньня Савецкага Саюзу майстар аднаго нашага фрэзероўшчыка пьяным ў начную зьмену. І кажа яму: пішы заяву па ўласным жаданьні, а то за пьянку выганім. Ну той і напісаў: "Прашу уволіць меня із СССР". Старэйшы майстар прачытаў, пасьмяяўся і заставіў фрэзероўшчыка працаваць. А хутка і СССР разваліўся...
0
kanaj / Адказаць
09.04.2008 / 19:15
Я ў трэцяй клясе таксама падумваў падобную заяву напісаць
0
klv / Адказаць
09.04.2008 / 21:31
Дзіўна атрымліваецца: сваіх выключаюць і адначасова актыўна зазываюць замежнікаў (кітайцаў,в"етнамцаў,вэнэсуэльцаў)...
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру