Шанец трапіць у пачэсны шэраг найбольш вядомых аб’ектаў свету атрымалі Спаса‑Прэабражэнская царква Спаса‑Еўфрасіннеўскага манастыра, Сафійскі сабор і тэрыторыі, з якімі звязанае імя вялікай асветніцы.
Калі полацкія святыні ўвойдуць у Спіс ЮНЕСКА, які зараз налічвае больш за 800 славутасцяў, гэта дазволіць значна павялічыць наведвальнасць старажытнай крывіцкай сталіцы замежнымі турыстамі.
На сённяшні дзень з беларускіх аб’ектаў у Спісе ЮНЕСКА знаходзяцца Нясвіжскі замак Радзівілаў, Мірскі замак, знакаміты запаведнік Белавежская пушча (сумесна з Польшчай) і адна з кропак нематэрыяльнага аб’екта Дуга Струвэ.