Кіраўнік урада РФ Дзмітрый Мядзведзеў 29 студзеня наважаны абмеркаваць з беларускім прэм'ер-міністрам Андрэем Кабяковым пытанне аб падтрымцы айчынных вытворцаў сельгастэхнікі, паведамляе ТАСС.
Пра гэта напярэдадні сваёй сустрэчы ў Санкт-Пецярбургу з кіраўніком урада Беларусі расійскі прэм'ер паведаміў падчас наведвання Пецярбургскага трактарнага завода.
Адзін з рабочых паскардзіўся Мядзведзеву на тое, што айчынных вытворцаў сельгастэхнікі спрабуюць пацясніць замежныя «адвёрткавыя» вытворчасці.
«На ваша пытанне адзін адказ: калі выбіраць паміж паўнавартаснай вытворчасцю — такой, як у вас, — і «адвёрткай», мы, вядома, вас падтрымаем», — запэўніў яго Мядзведзеў.
Суразмоўца кіраўніка ўрада не ўдакладніў, машынабудаўнікоў якой краіны ён мае на ўвазе, аднак Мядзведзеў сам удакладніў, ці не пра беларускіх калегаў ідзе гаворка. «З Беларуссю ў нас свая гісторыя, гэта не зусім старонняя дзяржава, у нас агульны рынак», — растлумачыў прэм'ер. Аднак «у гэтым выпадку, выбіраючы паміж падтрымкай сваіх вытворцаў і іншых вытворчасцяў, мы адназначна зробім выбар на вашу карысць», паўтарыў ён.
«Заўтра (у пятніцу) я буду сустракацца з беларускім прэм'ерам, я яму гэта проста скажу», — паабяцаў Мядзведзеў.
Нагадаем, сёння, як паведаміла прэс-служба расійскага ўрада, Мядзведзеў і Кабякоў на сустрэчы ў Санкт-Пецярбургу закрануць актуальныя пытанні расійска-беларускага гандлёва-эканамічнага супрацоўніцтва, сумеснай працы ў межах Саюзнай дзяржавы, а таксама ўзаемадзеяння ў Еўразійскім эканамічным саюз
