Дзірку ў бюджэце могуць заткнуць падаткам на мабільную сувязь і інтэрнэт
Міністэрства фінансаў рыхтуе праект указа аб увядзенні з 1 сакавіка абаротнага падатку на паслугі сувязі ў памеры 10%. Пра гэта распавялі TUT.BY некалькі інфармаваных крыніц.
Па іх словах, гаворка ідзе пра паслугі мабільнай сувязі, паслугі перадачы дадзеных (г.зн. паслугі правайдэраў па доступе да інтэрнэту) і IP-ТБ.
«Гэта адна з мер, каб заткнуць дзірку ў бюджэце на гэты год», — мяркуе адна з крыніц.
Нашы суразмоўцы лічаць, што ільвіная доля нагрузкі ляжа на плечы мабільных аператараў. «А тыя ў сваю чаргу перакладуць ці падзеляць яе са спажыўцамі», — сказаў удзельнік рынку.
Крыніца ў дзяржаўных органах запэўнівае, што «варыянты розныя абмяркоўваюцца, але яны яшчэ знаходзяцца ў вельмі сырой стадыі».
У Мінфіне адмовіліся ад каментароў.
***
Нагадаем, што бюджэт на 2016 сфармаваны зыходзячы з цаны на нафту 50 даляраў за бараль. Падзеі студзеня, калі кошт «чорнага золата» знізіўся ніжэй за 30 даляраў (сёння - 35 даляраў), вымусілі беларускі ўрад заняцца перапрагназаваннем расходаў і даходаў казны. Расійскі ўрад, які ў бюджэт-2016 закладваў тыя ж 50 даляраў за бараль, плануе правесці яго секвестр на 10%.
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары