На сайце talaka.by пачаўся збор сродкаў на падтрымку кінапраекта «Неруш».

Можна дапамагчы або фінансамі, або справай. Зайшоўшы па спасылцы, можна пабачыць, на якім этапе знаходзіцца праект, а таксама якая дапамога патрабуецца.

Нагадаем, што аўтары ідэі пачалі здымкі першага поўнаметражнае фільма ў стылі фэнтэзі па матывах беларускіх легенд. Працоўная назва фільма — «Неруш».

Аўтары падкрэсліваюць: «Фальклорная спадчына нашага краю надзвычай багатая, і мы хочам паказаць свету яе багацце. З дзяцінства любячы нашую культуру і літаратуру, мы, стаўшы прафесіяналамі сваёй справы, лічым, што яе папулярызацыя мае неацэннае значэнне для грамадства, і імкнёмся рэалізаваць сваю мару».