Пракуратура Берліна пачала папярэдняе расследаванне супраць карэспандэнта расійскага «Першага канала» Івана Благога. Нагодай стаў сюжэт пра нібыта выкрадзеную і згвалтаваную ў Нямеччыне 13-гадовую расійскую дзяўчынку Лізу.
Хадайніцтва наконт законнасці сюжэта падаў нямецкі адвакат Марцін Лютле, паведамляе РБК. Адвакат лічыць, што сюжэт «Першага канала» зняты «ў духу расійскай прапаганды» і «служыць для распальвання міжнацыянальнай варожасці». Хаця кампетэнцыя нямецкіх органаў юстыцыі не распаўсюджваецца на расійскія СМІ, адвакат перакананы, што Іван Благой парушыў законы Нямеччыны, бо расійскія каналы ў краіне могуць глядзець да 6 млн рускамоўных грамадзян.
Дарэчы, паліцыя Берліна афіцыйна заявіла, што расследаванне не пацвердзіла звесткі пра выкраданне і згвалтаванне. Аднак у паліцыі ўдакладнілі, што дзяўчынка некаторы час лічылася сярод зніклых. Паводле папярэдніх звестак, дзяўчына сыходзіла з дому сама.
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію26
Каментары