09.02.2016 / 17:32

Аўстрыя выступае за адмену санкцый ЕС у дачыненні да Беларусі 8

Аўстрыя выступае за адмену санкцый ЕС у дачыненні да Беларусі, заявіў генеральны сакратар МЗС гэтай краіны Міхаэль Лінхарт, размаўляючы з журналістамі на цырымоніі адкрыцця аўстрыйскага пасольства ў Мінску 9 лютага.

«У Бруселі цяпер ідзе дыскусія. Аўстрыя выступае за адмену, мы на баку Беларусі. Спадзяюся, рух будзе менавіта ў гэты бок», — сказаў дыпламат.

Па словах Лінхарта, Беларусь зрабіла вельмі шмат важных крокаў. «Быў паказаны прагрэс, у прыватнасці магу адзначыць сферу правоў чалавека. Гэтым і тлумачыцца пазіцыя Аўстрыі», — заявіў ён.

На пытанне, пра які менавіта прагрэс ідзе гаворка, Лінхарт назваў вызваленне палітзняволеных, дыялог па правах чалавека паміж Беларуссю і ЕС, а таксама нядаўні візіт у Мінск дырэктара БДІПЧ АБСЕ Георга Лінка.

«Назіраецца цэлы шэраг падзей, якія настройваюць нас пазітыўна. Неабходна працаваць далей, таму мы выступаем за адмену санкцыі», — сказаў аўстрыйскі дыпламат.

На пытанне, ці лічыць афіцыйная Вена, што апошнія прэзідэнцкія выбары ў Беларусі адрозніваліся ад выбараў 2010, 2006 і 2001 гадоў, Лінхарт заявіў: «Высновы назіральнікаў вам вядомыя. Мы канстатуем, што быў пэўны прагрэс. Чакаем, што наступныя выбары (парламенцкія) пройдуць у адпаведнасці з нашымі чаканнямі».

0
Лёва / Адказаць
09.02.2016 / 17:37
Что и требовалось доказать. Профит!
0
иван / Адказаць
09.02.2016 / 17:59
вот для зтого и нужна была коротчыха с выборами
0
Віктар / Адказаць
09.02.2016 / 18:14
Вось Аўстрыю трэба да Беларусі і далучыць, каб добра зведалі, што такое лукашня.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру