09.02.2016 / 21:25

Кабякоў выказаўся за ўзрастанне ролі прыватнага сектара 3

Праект праграмы дзейнасці ўрада на 2016-2020 гады пабудаваны зыходзячы са стратэгічнага прыярытэту аднаўлення збалансаванага эканамічнага росту і павышэння ўзроўню жыцця насельніцтва краіны, заявіў прэм'ер-міністр Андрэй Кабякоў на пасяджэнні прэзідыума Саўміна 9 лютага.

«Прапануецца ў гэтай пяцігодцы пачаць фармаванне новай структуры эканомікі, якая забяспечвае эканамічную незалежнасць краіны. Пры гэтым паралельна з дзяржаўнай павінна развівацца прыватная ініцыятыва, узрасці роля прыватнага сектара», — прыводзіць словы Кабякова прэс-служба ўрада.

Сярод прыярытэтаў — выкананне валютных абавязацельстваў, паляпшэнне ўмоў вядзення бізнесу, зніжэнне адміністрацыйнай нагрузкі, укараненне механізму ацэнкі рэгулятарнага ўздзеяння на бізнэс. Пры гэтым кантрольная дзейнасць павінна насіць перш за ўсё прафілактычны і папераджальны характар, падкрэсліў Кабякоў.

Ён адзначыў, што многія пытанні ў рамках праекта праграмы патрабуюць абмеркавання. «Застаюцца пытанні па механізмах экспартнага крэдытавання, распараджэнні ўласнасцю, тарыфнай і антыманапольнай палітыцы, стымуляванні развіцця прыватнага вытворчага бізнэсу. Я заклікаю да актыўнага абмеркавання, прашу ўсіх выказацца па сутнасці і канструктыўна, але прапановы на тэму «дайце грошай» не прымаюцца», — сказаў прэм'ер-міністр.

У праграме тры базавыя умовы эканамічнай палітыкі: забеспячэнне макраэканамічнай збалансаванасці, павелічэнне золатавалютных рэзерваў да мінімальнага бяспечнага ўзроўню і бездаўгавое фінансаванне плацёжнага балансу краіны, паступовая выплата сфармаваных знешніх даўгоў.

0
... / Адказаць
09.02.2016 / 22:27
Ой…
0
алекс / Адказаць
09.02.2016 / 23:01
Не правильно назвали эту новость. Читайте внимательно и зрите в корень: "... должна развиваться частная инициатива...". Т.е. он считает что она должна. И соответственно если этот долг частная инициатива отдаст не смотря ни на что то правительству удастся сложить из четырёх букв слово "счастье".)))
0
Н.М. / Адказаць
10.02.2016 / 09:10
Поздно пить боржоми, когда почки отвалились... 22 года прошли, пока стало доходить? Думаете, есть ещё 22 на эксперименты?
Каб пакінуць каментар, калі ласка, актывуйце JavaScript у наладах свайго браўзеру