15.02.2016 / 18:23

На жыхарку Гродна, якая выкінула стары тэлевізар, завялі крымінальную справу 5

Крымінальная справа распачатая ў дачыненні да жыхаркі Гродна, якая вынесла на звалку арыштаваны тэлевізар, паведамілі ў прэс-службе УУС аблвыканкама.

«У мінулым годзе на тэлевізар, які належаў сумесна жыхарцы Гродна і яе брату, падчас правядзення следчых дзеянняў быў накладзены арышт. Такая мера неабходная, напрыклад, для пакрыцця шкоды шляхам рэалізацыі рэчы», — растлумачылі ў прэс-службе УУС. Жанчыну папярэдзілі пра крымінальную адказнасць за псаванне, утойванне або адчужэнне маёмасці, на якую быў накладзены арышт. Сваяк быў асуджаны.

Аднак пра тое, што здзяйсняць з тэлевізарам маніпуляцыі забаронена, яна забылася. Паводле слоў жанчыны, тэхніку яна не схавала і не прадала, а пазбавілася ў сілу таго, што тая састарэла. Гэты факт і выявіўся падчас працэсуальных дзеянняў.

У дачыненні да парушальніцы распачатая крымінальная справа па арт. 409 «Незаконныя дзеянні ў дачыненні да маёмасці, падвергнутай вопісу або арышту» КК Беларусі. Пакаранне па артыкуле прадугледжвае штраф, або арышт на тэрмін да шасці месяцаў, або пазбаўленне волі на тэрмін да двух гадоў.

Хочаш падзяліцца важнай інфармацыяй ананімна і канфідэнцыйна?

0
Чорны кантынент / Адказаць
15.02.2016 / 19:25
Iдыятызм
0
Вось цiкава / Адказаць
15.02.2016 / 19:38
Давай вышку за стары "Гарызонт"!!!
0
Казик / Адказаць
15.02.2016 / 20:13
Хай сваяк забирает свой Гарызонт на зону и там глядзиць БТ
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру