14.04.2008 / 20:57

Ад серады зноў задажджыцца, у чацьвер дажджы моцныя

У аўторак без ападкаў, удзень да +18.


Паводле прагнозу Рэспубліканскага гідраметэацэнтра, 15 красавіка ў Беларусі будзе пераменная воблачнасць, пераважна без ападкаў. Вецер паўднёва‑ўсходні 4—9 м/с. Тэмпература паветра ноччу мінус 2 — плюс 5, днём плюс 12—18.

У Мінску 15 красавіка пераменная воблачнасць, без ападкаў. Вецер паўднёва‑ўсходні 4—9 м/с. Тэмпература паветра ноччу плюс 1—3°C, днём плюс 14—16°C.

У наступныя двое сутак, 16—17 красавіка, у Беларусі чакаецца воблачнае з праясненнямі надвор’е. 16‑га ноччу месцамі ў Брэсцкай і Гомельскай абласцях, днём па паўднёва‑ўсходняй палове рэспублікі дажджы, у асобных раёнах навальніцы. Вецер паўночна‑ўсходні 5—10 м/с, парывы да 14 м/с. Тэмпература паветра ноччу плюс 1—7°C, днём плюс 9—15°C.

17 красавіка на большай частцы тэрыторыі краіны дажджы, месцамі моцныя. У асобных раёнах навальніцы. Вецер усходні, паўднёва‑ўсходні 5—10 м/с. Тэмпература паветра ноччу плюс 4—9°C, днём плюс 7—14°C.

У Мінску 16 красавіка воблачна з праясненнямі. Ноччу без ападкаў, днём кароткачасовы дождж, магчыма навальніца. Вецер паўночна‑ўсходні 5—10 м/с, днём парывы да 14 м/с. Тэмпература паветра ноччу плюс 3—5°C, днём плюс 9—11°C.

Андрэй Серада, БелаПАН

Каб пакінуць каментар, калі ласка, актывуйце JavaScript у наладах свайго браўзеру