15.04.2008 / 08:23

Актывіста «Грамады» асудзілі на 10 гадоў 5

10 гадамі пазбаўленьня волі пакараны актывіст партыі «Грамада» Зьміцер Лісяенка. Яго абвінавацілі ў тым, што ён захоўваў наркотыкі і фальшывыя грошы.

10 гадамі пазбаўленьня волі пакараны актывіст партыі «Грамада» Зьміцер Лісяенка. Яго абвінавацілі ў тым, што ён захоўваў наркотыкі і фальшывыя грошы.

У суд Менскага раёну прыйшлі моладзевыя актывісты, большасьць зь якіх далучылася да дэмакратычнага руху пасьля сакавіка 2006 году. Зьміцер Лісяенка быў на лаве падсудных не адзін, а з грамадзянінам, якога ня ведаюць ягоныя паплечнікі — Камо Дадалянам.

Нягледзячы на тое, што Зьмітра трымаюць пад вартай ад 9 жніўня 2007 году, паплечнікі толькі нядаўна даведаліся пра крымінальную справу. На судзе высьветлілася, што падставай для абвінавачаньня сталі толькі паказаньні сьведкі, згодна зь якімі Зьміцер нібыта меў псыхатропныя сродкі і падробленыя купюры эўра. Саміх рэчавых доказаў сьледчыя не знайшлі.

Зьміцер у сваім апошнім слове заявіў, што на яго быў аказаны псыхалягічны і фізычны ціск. Казаў, што сьледчыя пагражалі ўчыніць расправу над ягонай маці.

Зьміцер Лісяенка служыў у брыгадзе спэцназу ў Мар’інай Горцы. У 2006 годзе, калі былі прэзыдэнцкія выбары і падзеі на Кастрычніцкай плошчы, стаў сябрам сацыял‑дэмакратычнай партыі «Грамада», лідэрам якой быў Аляксандар Казулін. Некалькі разоў удзельнічаў у вулічных акцыях.

Вольга Кобышава апавяла «Свабодзе»:

«Я асабіста знаёмая са Зьмітром па дзьвюх акцыях. Я памятаю, як ён там сябе паводзіў. Ён там адзін быў варты, можа, пятнаццаці нас. Наагул, яго там блыталі з гэбэшнікам і ўсё такое… Я памятаю, што ён нічога не баяўся».

Маці Зьмітра не магла стрымаць эмоцыяў, калі пачула прысуд — 10 гадоў пазбаўленьня волі з канфіскацыяй маёмасьці.

«Дзесяць год далі чалавеку!!! Дзесяць! Дзесяць!… І дзевяць месяцаў у турме сядзеў. Гэта ж вы пагубілі жыцьцё чалавека! Ён жа калі прыйдзе, яму 40 гадоў будзе!»

Паплечнікі Зьмітра ня вераць, што ён спрычыніўся да распаўсюду наркотыкаў. Яны лічаць, што крымінальную справу супраць былога спэцназаўца распачалі паказальна для іншых.

Гаворыць Сяржук Павалкоў:

«Гэта сыгнал іншым спэцназаўцам, якія захочуць перайсьці на бок апазыцыі і выступіць супраць гэтай улады».

Зьміцер Лісяенка будзе адбываць пакараньне ў калёніі ўзмоцненага рэжыму. Яго адвакат будзе абскарджваць прысуд у Менскім абласным судзе.

Любоў Лунёва, Радыё Свабода

Глядзі яшчэ:
Віцебскага актывіста судзяць за кожнае графіці асобна

0
Алесь Залеўскі / Адказаць
15.04.2008 / 11:25
Зьміцер Лісіёнак -- адзін з першых, хто мінулым летам адгукнуўся на зварот гарадзенскай грамадзкасьці да беларусаў зь іншых рэгіёнаў прыяжджаць і дапамагаць бараніць Старую Горадню. Амаль месяц Зьміцер, нягледзячы на шматлікія праблемы ў сябе дома ў Менску, дзяжурыў каля вырачаных на сьмерць будынкаў, быў адным з ініцыятараў і арганізатараў многіх акцыяў па абароне гарадзенскіх помнікаў, сваёй сьмеласьцю і фізычнай магутнасьцю на акцыях Зьміцер неаднаразова вёў за сабой іншых абаронцаў Горадні. Зьміцер часта зьдзіўляў нас сваёй напорыстасьцю і, як мы думалі, празьмернай адкрытай ваяўнічасьцю. Ваяўнічасьцю, якой, часам, так бракуе нам усім. Відаць, праз тое рэжым і вырашыў ізаляваць яго. Тым больш гэты чалавек ніколі ня лез на першыя старонкі Нашай Нівы ці Свабоды. Адпаведна і шумець "апазіцыянеры" будуць менш. Рэд. У справе мы разьбіраліся. Ня бачым палітычнага матыву. Падаецца, што гэта звычайная крымінальная справа, хоць пакараньне неадэкватна суворае - што характэрна для сёньняшняй Беларусі.
0
хвядос / Адказаць
15.04.2008 / 21:22
И незалежныя СМИ маучали аб гэтай справе раней? Цяжка было даць розгалас гэтаму? .... Таму што Зьмицер не карэспандэнт и увогуле ня дужа сьвяциуся раней? .... Здали хлопца бяз бою, як шклотару. Ня зладзили ниякай акцыи падтрымки. А гэта ж не 15 сутак и ня штраф чалавеку дали!!! Я тольки сёньня даведауся аб гэтым жаху. Я у роспачы! .... А ад Рэдакцыи НН хацелася б пачуць тлумачэньни, чаму не асьвяцили гэтую яуна не шараговую справу як сьлед. ... Рэд. Пра гэтую справу пісалі. Як і справы Кішкурны і саліста гурту "Лысая сьпявачка", гэта складаныя і заблытаныя справы. Пакараньні неадэкватна вялікія, але палітычнага матыву ў іх ня бачыцца.
0
хвядос / Адказаць
16.04.2008 / 17:29
Нешта не разумею, чаму ня бачыце тут палитычнага матыву. У Казулина, Кима бачыце, а тут не. Час лекавацца у акулиста - бо гэта нейкае частковае выпадзеньне палёу зроку. На чалавека за яго грамадзянскую пазыцыю вешаюць крыминал - досыць распаусюджаная практыка апошняга часу. Якая канкрэтна у гэтым выпадку выглядае найбольш груба, жорстка и цынична. 10 гадоу калёнии на падставе аднаго тольки паказаньня сьведки, видавочна, фальшывага, без анияких рэчавых доказау - гэта ужо самая сапраудная практыка сталиншчыны! Створаны жахливы прэцэдент, пашыраючы яки, у ближэйшай будучыни рэжым здолее надзейна, на шмат гадоу схаваць у турмах усих, у ким убачыць небясьпеку, а то и увогуле праяву нязгоды. Прычым у гэтым ня будзе " палитычнага матыву" - усе будуць асуджаны за забойствы, згвалтаваньни и наркотыки.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру