Курдская ўзброеная групоўка «Ястрабы вызвалення Курдыстана» ўзяла на сябе адказнасць за выбух у Анкары, ахвярамі якога сталі 28 чалавек. У заяве групоўкі гаворыцца, што тэракт здзейснены ў адказ на палітыку прэзідэнта Турцыі Рэджэпа Таіпа Эрдагана.
Непасрэдным выканаўцам тэракту ў заяве названы 26-гадовы грамадзянін Турцыі, ураджэнец горада Ван на ўсходзе краіны.
Групоўка «Ястрабы вызвалення Курдыстана» раней была звязана з Рабочай партыяй Курдыстана, але ў 2015 годзе абвясціла пра разрыў адносін з ёю.
Тэракт у Анкары быў здзейснены ўвечары 17 лютага. Побач з аўтобусам, які перавозіў вайскоўцаў, выбухнуў замінаваны аўтамабіль. Бомба спрацавала, калі аўтобусы спыніліся на святлафоры.
0
0
0
0
0
0