У англійскім графстве Дэван знойдзена месца сярэднявечнай бітвы часоў Нармандскага нашэсця, якая здарылася ў 1069 годзе, праз тры гады пасля перамогі Вільгельма Заваёўніка пры Гасцінгсе, і канчаткова вырашыла лёс англасаксонскай дзяржавы.
Фрагмент «Габелена Баё» з выявай Нармандскага нашэсця. Фота flickr.com/profzucker
Паводле дадзеных гісторыкаў, сыны апошняга англасаксонскага караля Гаральда II, які загінуў У 1066 годзе пры Гасцінгсе, паспрабавалі ўзяць рэванш і выбіць нармандцаў з вострава.
Бітва адбылася на полі паміж Эплдорам і Нортэмам, на поўначы графства, дзе Годвін і Эдмунд высадзіліся 26 чэрвеня, прыплыўшы з Ірландыі на 64 караблях.
Ім супрацьстаялі аб'яднаныя сілы нармандцаў, брэтонцаў і ангельцаў пад камандаваннем Брыяна Брэтонскага.
Бітва працягвалася ўвесь дзень, бакі страцілі загінулымі больш за 3000 чалавек.