Трагедыя адбылася 15 красавіка ў 19.20 у двары дома № 174 па вуліцы Убарэвіча. Малы знаходзіўся на вуліцы са сваёй цёткай і гуляў на дзіцячай пляцоўцы. Ён выбег на праезную частку з‑за прыпаркаваных аўтамабіляў прама пад колы аўтамабіля «Мерседэс Віто» і ад атрыманых траўмаў памёр. Па дадзеным факце следчым упраўленнем ГУУС Мінгарвыканкама распачата крымінальная справа па частцы 2 арт. 317 Крымінальнага кодэкса (парушэнне правілаў дарожнага руху, што пацягнула па неасцярожнасці смерць чалавека або нанясенне цяжкага цялеснага пашкоджання).
Паводле звестак ДАІ, 15 красавіка ў Мінску адбыліся 72 дарожныя здарэнні, у адным з якіх загінуў чалавек.
