24.02.2016 / 19:49

Заўтра з Пуціным у Мінск прыедзе і Мядзведзеў 12

Прэм'ер-міністр РФ Дзмітрый Мядзведзеў возьме ўдзел у пасяджэнні Вышэйшага дзяржсавета Саюзнай дзяржавы Беларусі і Расіі, якое пройдзе 25 лютага ў Мінску, паведаміла прэс-служба расійскага ўрада.

Пасяджэнне ВДС з удзелам Аляксандра Лукашэнкі і Уладзіміра Пуціна пройдзе ў Палацы Незалежнасці. Як паведамлялася раней, у парадак дня ўключана больш за дзясятак пытанняў па ўсім спектры дзейнасці Саюзнай дзяржавы, у тым ліку зацвярджэнне саюзнага бюджэту на 2016 год і абмеркаванне вынікаў рэалізацыі леташняга бюджэту. Удзельнікі пасяджэння ВДС таксама разгледзяць вынікі гандлёва-эканамічнага супрацоўніцтва з улікам усіх фактараў, якія ўплываюць на развіццё гэтай сферы дзейнасці, і знешнепалітычнага ўзаемадзеяння за два папярэднія гады. Плануецца прыняць праграму ўзаемадзеяння на наступныя два гады.

Правесці саюзны саміт у Мінску прапанаваў Аляксандр Лукашэнка падчас сустрэчы з дзяржсакратаром Саюзнай дзяржавы (СД) Рыгорам Рапотам 18 студзеня. Ён нагадаў пра сваю дамоўленасць з прэзідэнтам РФ Уладзімірам Пуціным правесці пасяджэнне ВДС у першым квартале 2016 года. Лукашэнка таксама адзначыў, што трэба будзе актыўна папрацаваць, каб ажывіць працу ў Саюзнай дзяржаве.

Папярэдняе пасяджэнне ВДС адбылося 3 сакавіка 2015 года ў Маскве.

0
алекс / Адказаць
24.02.2016 / 20:18
Походу пресовать будут.
0
мясцовы2 / Адказаць
24.02.2016 / 20:30
Будзе Колю дагледжваць, пакуль старэйшыя працуюць
0
Дед Мороз / Адказаць
24.02.2016 / 20:38
Обычно расходы оплачивает принимающая сторона. Медведь на халяву пожрать чтоли припрется? Совсем так плохо с едой?
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру