Сёння на пазачарговым кангрэсе ФІФА ў Цюрыху пройдуць выбары новага прэзідэнта Міжнароднай федэрацыі футбола.
Швейцарац Інфанціна добра пазнавальны, менавіта ён праводзіць лёсаванні еўракубкаў, фота uefa.com
У іх возьмуць удзел пяць кандыдатаў: прынц Іарданіі Алі бін Аль-Хусейн, генеральны сакратар УЕФА Джані Інфанціна, прэзідэнт Азіяцкай канфедэрацыі футбола шэйх Салман бін Ібрагім Аль-Халіфа, былы намеснік генеральнага сакратара ФІФА Жэром Шампань і паўднёваафрыканец Токіа Севале.
Новы прэзідэнт ФІФА будзе абраны на 4-гадовы тэрмін. Галасаванне будзе таемным, пры гэтым кожная з 209 нацыянальных асацыяцый валодае адным голасам.
Для перамогі ў першым туры кандыдату неабходна набраць 2/3 галасоў, у другім — больш за 50% галасоў.
Нагадаем, ранейшы прэзідэнт ФІФА Ёзэф Блатэр адхілены ад футбольнай дзейнасці на 6 гадоў з-за карупцыйнага скандалу.