17.04.2008 / 09:23

Хамайду аштрафавалі за распаўсюд газэтаў 1

Віцебскі распаўсюджвальнік незалежнай прэсы Барыс Хамайда аштрафаваны на 5 базавых велічынь (175 тысяч рублёў) за парушэньне правілаў гандлю друкаванымі выданьнямі.


Барыс Хамайда

Віцебскі распаўсюджвальнік незалежнай прэсы Барыс Хамайда аштрафаваны на 5 базавых велічынь (175 тысяч рублёў). Адміністратыўная камісія Чыгуначнага раёна Віцебска прызнала яго вінаватым у парушэнні правілаў гандлю друкаванымі выданнямі — распаўсюджванні недзяржаўных газет і часопісаў «у неўстаноўленым месцы».

14 красавіка Б.Хамайду каля «сіняга дома» затрымалі супрацоўнікі міліцыі. У Чыгуначным РАУСе ў яго канфіскавалі некалькі асобнікаў газет «Наша ніва» і «Народная воля». На пасяджэнне адміністратыўнай камісіі ён прыйсці не здолеў, бо быў хворы, аб чым паведаміў участковаму міліцыянеру. Пастанову аб вынясенні штрафу вынеслі без ягонай прысутнасці.

Народныя навіны Віцебска

0
Свой малец / Адказаць
19.04.2008 / 16:13
Трымайся Барыс, перамога за нами
Каб пакінуць каментар, калі ласка, актывуйце JavaScript у наладах свайго браўзеру